Herri Lanetako Zuzendaritza Nagusiak lizitaziora atera ditu ondorengo kontratuak: "N-121-A errepideko bide-zorua (Iruña-Behobia) birgaitzea, 39 eta 52 kilometro-puntuen arteko zatia", 368.039,21 euroan, BEZa kanpo; "PA-30 errepideko bide-zorua, Iruñeko Ingurabidea, kontserbatu eta birgaitzea, 0,500 eta 22,800 kilometro-puntuetan", 369.239, 60 euroan, eta "A-68 Autobiaren, Ebroko Autobia, 2015, bide-zorua kontserbatu eta birgaitzea", 367.126,72 euroan.

Hiru kontratuak prozedura irekiaren bidez izapidetuko dira, prezio txikieneko esleipen-irizpidearekin, eta eskaerak aurkezteko epea uztailaren 24an amaituko da hiru kasuetan, 30 eguneko egikaritze-epea izanik.

N-121-A errepidearen kasuan, proiektuak Zozaia (Baztan) eta Sunbillaren arteko bide-zoruak birgaitzea jasotzen du; izan ere, errepideak zati batzuetan bide-zoru agortua du, gurpil-arrasto eta pitzadura askorekin; egoera horrek bereziki degradatutako guneak saneatzeko jarduera bat egitea eskatzen du bide-segurtasuna eta erosotasuna bermatzeko.

Iruñeko Ingurabidean proiektuak bide-zoruak birgaitzea jasotzen du 0,500 eta 22,800 kilometro-puntuen artean.

Azkenik, A-68 Autobiari dagokionez, proiektuaren barnean 93,180tik 87,160rako eta 100,400etik 98.640 kilometro-puntuen arteko zatiei ekingo zaie, biak ala biak Logroñoko noranzkorako galtzadan; geruzen arteko itsaspen-arriskuak ere jaso dira, kaltetutako seinale horizontalak berriz jartzea eta dagokion segurtasun eta osasuneko partida.