Nafarroako Gobernuak bi beken deialdia onartu du; haietako lehena unibertsitateko tituludunen prestakuntza sustatzeko da kirol-entrenamenduaren eta ariketa fisikoaren jardueraren oinarri zientifikoei lotutako ezagutza teoriko nahiz praktikoak bereganatzeko, Kirolaren Azterlan, Ikerketa eta Medikuntzaren Zentroan egiten den osasunari dagokionez; bigarrena, berriz, gradu ondokoentzat, Nekazaritza Elikagaien Laborategiaren Atalean aritzeko Laborategiko laguntzaile teknikoaren tituluarekin, edo goi-mailako teknikari-titulu hauekin: Analisien eta Kalitate Kontrolaren Laborategia, Diagnostiko Klinikoaren Laborategia, Ingurumen Osasuna, Anatomia Patologikoa eta Zitologia, edo Elikagaien industriako Prozesuak eta Kalitatea.

CEIMDen egonaldia egiteko beka honako hauentzat da: Osasun eta Kirolaren Zientzietan graduko unibertsitateko tituludunentzat; Fisioterapia eta Dietetika nahiz Nutrizioko graduko tituludunentzat, ezagutza teoriko eta praktika beregana ditzaten. Baimendutako gastua 6.647,89 euro da. Hamaika hilabete eta erdi iraungo du, 2016ko ekainaren 15a arte, eta berritzeko aukerarik gabe. Eskaerak eta dokumentazioa aurkezteko epea abuztuaren 4an amaituko da.