3.600 pertsona baino gehiagok, parte-hartzaileak eta arduradunak kontuan hartuz, parte hartuko dute aurtengo udan Nafarroako hainbat parajetan egingo diren 66 gazte-kanpaldi eta ibilaldietan, Erronkaribarren bereziki.

Nafarroako Kirol eta Gazteria Institutuan eskuragarri dauden datuen arabera, ekainaren 21 eta abuztuaren 15 bitartean 44 kanpaldi egingo dira, eta kanpin-dendak nahiz beharrezko zerbitzuak dituzten barruti itxitan egiten dira; 22 ibilaldiak, berriz, ibiltariak dira, eta bertako parte-hartzaileek gauero leku ezberdin batean igarotzen dute gaua. Guztira, iazko uda baino 3 ekintza gehiago; orduan, 63 kanpaldi eta ibilaldi egin ziren.

Parte-hartzaile gehienak Nafarroa eta Euskal Autonomia Erkidegokoak dira, nahiz eta Aragoi, Katalunia, Madrilgo Erkidego eta Valentziako Erkidegoko gazteak ere badiren. Ekintzak gazte-elkarteek antolatzen dituzte bereziki, scout metodologiarena bereziki, Erronkaribarreko enpresa batek ingeleseko kanpaldiak eskaintzen baditu ere.

Aurreko urteetan bezala, Nafarroako Gobernuak jarduera-protokolo bat ezarri du ekintza horiek egiteko orduan izan daitezkeen edozein gertakizuni aurre egiteko. Bertan parte hartzen dute, Gazteriaren Zuzendaritzaorde Nagusiak, Nafarroako Larrialdi Agentziak, Foruzaingoak, Nafarroako Osasun Publiko eta Lan Osasuneko Institutuak, Lehen Mailako Arretaren Zuzendaritza Nagusiak, Ingurumen eta Uraren Zuzendaritza Nagusiak eta Guardia Zibilak.