Nafarroako Kirolaren eta Gazteriaren Institutuak 1,15 milioi eurorekin finantzatuta, diziplina bakoitzeko alebin, infantil, kadete eta gazte mailetako Nafarroako txapeldunak erabakitzen dituen txapelketa ofizial bakarra da.

Nafarroako Kirol Jokoak federazioen bidez antolatzen dira, eta 33 kirol-modalitate hartzen ditu barnean. Honako hauek dira: urpeko jarduerak (hegats-igeriketa), xakea, atletismoa (krosa eta pista), badmintona, saskibaloia, eskubaloia, beisbola, txirrindularitza (BTT, errepidea eta pista), kirol egokituak, neguko kirolak (iraupen-eskia), mendiko kirolak eta eskalada (orientazioa, araututako martxak eta eskalada), eskrima, futbola (zelaikoa, areto-futbola eta emakumeen futbol 8), gimnastika (GAF, GAM eta GR), golfa, herri kirolak, hipika, judoa eta hari lotutako kirolak, karatea, igeriketa (igeriketa, waterpoloa eta igeriketa sinkronizatua), padela, patinajea (abiadura eta hockeya), pilota (esku-pilota, zesta punta, erremontea, gomazko paleta, larruzko paleta, pala motza eta trinketea), piraguismoa, arraunketa, errugbia, taekwondoa, tenisa, mahai-tenisa, arku-tiroa, triatloia (triatloia eta duatloia), bela eta boleibola.

Lehiaketak irailaren 1etik 2016ko urriaren 30era egingo dira larunbat goizetan, oro har. Gainera, kirol-sustapeneko edo izaera ludikoa duten beste jarduera batzuekin batera egin ahalko dira.

Nafarroako Kirol Jokoak antolatuz, Foru Gobernuak ondorengo helburuak lortu nahi ditu: adingabeen artean kirolaren balioak sustatzea; ezarpen gutxiko kirol-modalitateak sustatzea; etorkizuneko proiekzioa duten kirol-talentuak hautematea eta kiroletako teknikari edo entrenatzaileak pixkanaka prestatzea.