3 milioi hegazti baino gehiago igaro dira azken 5 urteotan Lindustik

Lindus jadanik ezaguna zen Nafarroako hegaztien ornitologo eta zaleen artean , bai eta Organbidexka Col Libre elkarte frantsesaren artean ere; azken horrek urte asko daramatza inguru horretako hegaztien migrazioa behatzen eta aztertzen. 2010. urtetik aurrera, ordea, hasi zen sistematikoki garatzen Lindus Proiektua `Hegaztien migrazio-behatokia Bide Atlantikoan´ eta, hari esker, 3 milioi hegazti baino gehiago kontabilizatu dira muin horretatik pasatzean.

Izan ere, Nafarroako Ingurumenaren Kudeaketa (GAN) enpresa publikoaren bidez Nafarroako Gobernua lankidetzan aritu den proiektu hori, 2007-2013 aldian Espainia-Frantzia-Andorra Lurralde Lankidetzarako Programa Eragilearen barnean (POCTEFA) izan zen, eta Europar Batasunak % 65ean kofinantzatu zuen EGEFen funtsekin. Gainerakoa Nafarroako Gobernuak eman zuen eta, Frantziako aldean, Conseil Régional d’Aquitaine-k (Akitaniako Eskualdeko Kontseilua), Conseil Général des Pyrénées Atlantiques-ek (Pirinio Atlantikoetako Kontseilu Orokorra) eta Direction Régionale de l’Environnement, de l’Aménagement et du Logement d’Aquitaine-k (Akitaniako Ingurumen, Plangintza eta Etxebizitzako Zuzendaritzako Eskualdeko Zuzendaritza).

Azken bi urtetotan (jadanik Europako finantzaketarik ez du izan), hegaztien migrazioa uztailaren 20tik azaroaren 15era jarraitu da Lindusen Nafarroako Gobernuaren eta Ligue pour le Protection des Oiseaux (LPO) hegaztiak kontserbatzeko Frantziako GKEren artean partekatutako lanaren bitartez.

Abuztuan eta irailean ornitologo profesional batzuk izaten dira mendian, eta haiek hegazti migratzaileeen kontaketa egiten dute Lindus eta Tornako mendietatik. Profesionalak eguneko argi-ordu guztietan izaten dira mendian, migrazio-bide hori aukeratzen duten hegaztiak identifikatuz eta zenbatuz Europa iparraldeko negu hotzetik ihesteko.

LINDUS proiektuak ingurumen-sentsibilizazioko eta behatzaile berrientzako eskola bihurtu nahi du ere. Horregatik, eta kontatzeko lanetan lagunduz, mendiko zeregin guztietan laguntzen duten ingurumen-boluntarioek parte hartzen dute. Oraingoz, 6 herrialde eta 10 autonomia erkidegoetako boluntarioek parte hartu dute.

Klima-aldaketaren aurrean hegaztiek dituzten jokabide berriak

Urteak aurrera egin ahala, datu gehiago daudenean, klima-aldaketak hegazti migratzaileetan zer eragin duen jakin ahalko da, eta hegaztien migrazioa klima-aldaketari lotutako adierazle modura erabili ahalko da.

Aipatu behar da hegazti migratzaileak beren ibilbideak nahiz pasatzeko datak aldatzen ari direla tenperatura-aldaketak tarteko. Espezie batzuk ere migratzeari utzi diote.

Hegaztien migrazioa ikusteko Lindusko muinora joateko interesa duten guztiek Ibañetako mendatetik egin dezakete, Orreagan; han, ezkerraldetik asfaltatutako pista bat abiatzen da, eta 3 kilometroko bidea osatu ostean muinora heltzen da.

2 ordu inguruko oinezkoen paseo bat ere egin daiteke Auritzeko udalerritik abiatuta (Auritz-Xuringoa-Lindus).