Unibertsitateen eta Hezkuntza Baliabideen zuzendari nagusiak beka-deialdia sinatu du 2015/2016ko unibertsitatez kanpoko derrigorrezko ikasketetarako eta unibertsitateko ikasketetarako; behar ekonomiko larria frogatutako ikasleentzako laguntzak % 10 igotzea jasotzen da bertan. Deitutako beka edo laguntzen helburua laguntza behar duten familiei laguntzea da bertako kideek ikasketak egiteko sortutako gastuen zati bat ordaintze aldera. Bekak edo laguntzak eskatu ahal izateko kontzeptuak honako hauek dira: irakaskuntza edo matrikula, hiriarteko garraioa, jantokia, egoitza edo aparteko laguntzak.

Ikasketetarako laguntza eta beka horietarako Nafarroako Gobernuak aurreikusitako gastua 3.629.104 euro da. Hezkuntza, Kultura eta Kiroletako Ministerioak deitutakoarekin (Estatuko Aldizkari Ofizialean abuztuaren 6an argitaratua), edo Eusko Jaurlaritzak deitutakoarekin osagarriak dira. Deialdia NAOean (Nafarroako Aldizkari Ofiziala) argitaratu ondoren, bekak urriaren 31 arte eskatu ahalko dira.