Nafarroako Lehendakari Uxue Barkosek eta Hezkuntzako kontseilari José Luis Mendozak Ikastolen Federazioko ordezkaritza bat hartu dute, eta ordezkari horiek datorren Nafarroa Oinezen 35. ediziorako gonbidapenak eman dizkiete. Baztan ikastolak antolatutako jaia urriaren 18an egingo da, Elizondon.

Nafarroako Ikastolen Federazioaren aldetik honako hauek izan dira: federazioko lehendakari Pello Irujo; Baztan ikastolako lehendakari Elena Zabaleta; federazioko kide Josu Reparaz, eta Baztan ikastolako zuzendari Iosune Ortega.

Baztan ikastola 1970ean jaio zen guraso-talde baten ekimenez, euskarazko irakaskuntza bermatzeko helburuarekin. Gaur egun, Nafarroako Ikastolen Federazioan dauden 15 ikastoletako bat da eta, aldi berean, Baztango herrien 15 landa-eskoletako bat; izan ere, 1983an, bere lehen Nafarroa Oinez ospatu ondoren, udal-mailako bihurtu zen, eta udalaren eraikinetan hasi zen eskolak ematen. Bi eraikin ditu: lehena Haur Hezkuntzako ikasleentzat, eta bestea, Lehen Hezkuntzakoentzat.