Finantzaketa Nafarroako erakunde publiko eta pribatuek eskuratu ahalko dute. Programak honako esparru geografiko hauetako bazkide espainiar eta frantses batek gutxienez egon behar duen lankidetza-proiektuak finantzatuko ditu: Nafarroa, Bizkaia, Gipuzkoa, Araba, Errioxa, Huesca, Zaragoza, Lleida, Tarragona, Bartzelona eta Girona; eta Frantziako ondorengo departamentuak: Pirinio Atlantikoak, Ariège, Garona Garaia, Pirinio Garaiak, Ekialdeko Pirinioak; eta Andorra.

Klima, lur-tipologia, hizkuntza eta ohitura askotariko lurraldea da beraz, eta bertan lankidetza oinarrizko motorra da inguru horretako bizilagunen bizi-kalitatearen garapena modu koherente eta eraginkorrean antolatzeko.

Esparru geografiko horrek esperientzia handia izan du mugaz gaindiko lankidetzan, eta haren barnean mugarri izan zen 1893an Pirinioetako Lan Elkartea (PLE) sortu izana. PLE, sortu zenetik, egungo lurralde-lankidetzaren ereduaren iturri bihurtu da, eta han izan dira Frantzia eta Espainiako mugako eskualde nahiz autonomia erkidego guztiak, baita Andorra ere, hasieratik eskubide osoko kide bihurtuz.

Programa berria bost ardatzen inguruan garatzen da, eta bakoitzak bere EGEF aurrekontua du. Honako ardatzak dira: berrikuntza eta lehiakortasuna dinamizatzea (49,8 milioi euro); klima-aldaketarekiko egokitzapena sustatzea eta arriskuak prebenitu eta kudeatzea (28,48); toki-baliabideen babesa, balorizazioa eta erabilera iraunkorra sustatzea (48,5); ondasun nahiz pertsonen mugikortasuna erraztea (24,92); eta eskumenak sendotu eta lurraldeetan sartzea (26,70).

Deialdi horri buruzko informazio, baldintza eta dokumentazio oro POCTEFAren webgunean argitaratuta daude (www.poctefa.eu).

Nafarroako 44 proiektuk iragan ediziotik 19,7 milioi euroko finantzaketa jaso zuten

Aurreko programan zehar –POCTEFA 2007-2013– 44 proiektu nafarri ekin zitzaien, eta 19,7 milioi euro jaso zuten.

Barnean hartutako proiektuen artean beren finantzaketaren zenbatekoagatik ondorengoak nabarmendu behar dira: "Fortius", haren helburua Iruña eta Baionako ondare gotortuaren balioa handitzea izan da ikuspegi turistiko eta kultural batetik, eta horrek Nafarroarako 2,5 milioi euroko laguntza ekarri du; "In agro salute" nekazaritza-jardueraren eta lehen sektorea dinamizatzearen gainean gizartea sentsibilizatzeko (2,3 milioi euro); "Irati", Iratiko basoan turismo-intereseko baliabideak aztertu eta kudeatzeko (1,8 milioi euro); "Zone 31-64", gainbeheran dagoen jarduera ekonomikoko eremuetan egindako ikerketa- eta berreskuratze-lanak (799.809 €); "Bidur", Bidasoa eta Urumeako ibaien kudeaketarako proiektua (781.155 €); "Aqniv", Nivelle-ren kalitatea hobetzeko Dantxarineako araztegiko estazioa zabaltzeko (779.550 €).

Irailaren 29an POCTEFA 2014-2020 Programa aurkeztuko da Zaragozako Kongresuen Jauregian. Mintegi horretarako plazak mugatuak dira, eta izena honako webgune honetan eman daiteke: http://www.seminariopoctefa2014-2020.eu.