Nafarroako Gobernuak era oso positiboan baloratu du bilera, eta CEPESek dimentsio ekonomikoan (enplegu eta garapen ekonomikoan egindako ekarpenaren garrantziagatik) nahiz kualitatiboan (ekonomia sozialak Nafarroa kohesionatzeko emandako laguntzagatik) egindako ekarpena azpimarratu du. Gobernuak Ekonomia Sozial eta Solidarioaren Plan Integral bat lantzeko bere konpromisoa helarazi du ere eta, horretarako, urrian partekatutako lan-talde bat eratuko da haren lanketa jorratzeko. Gobernuak eragile ekonomiko eta sozialekin egiten ari den elkarrizketa-errondan CEPESek parte hartzeko bere borondatea helarazi die ere.

CEPESek Nafarroako Enplegu Zerbitzuko gobernu-organoetan parte hartzea eskatu du formalki; Nafarroako Gobernuak balorazio positiboa egiten du ekonomia sozialeko ordezkaritza bat izateagatik NEZaren gobernu-organoetan; hala, enpresa-aniztasuna ere hobetuko zen. Azkenik, Gobernukideek CEPESen prestutasun ona eta lankidetzarako borondatea egiaztatu ahal izan dute etorkizunean izan daitezkeen erronketan elkarrekin lanean jarduteko.

CEPESko ordezkaritza honako hauek osatzen zuten: bertako lehendakari eta ANELko (Lan Kooperatibak eta Lan Sozietateak) lehendakari ere baden Ignacio Ugaldek; ANELen kudeatzaile Antonio Martínez de Bujandak; UCANen kudeatzaile Patxi Verak; Gizarteratzeko eta Laneratzeko Zentroen Elkarteko (CIS) lehendakariorde Angel Gastonek; CISko batzordeko Enrique Marcelinok; Nafarroako Fundazioen lehendakari Mikel Archancok, haren batzordeko kide Ana Esparzak eta Valero Casasnovas eta Carlos Rey-k, REAS ekonomia alternatibo eta solidarioaren sareko idazkari eta kideek, hurrenez hurren.