Nafarroako Gobernua eragile ekonomiko eta sozialekin egiten ari den kontaktuen errondaren barnean, Barkos Lehendakariak eta Garapen Ekonomikorako lehendakariorde Manu Ayerdik Nafarroako Merkataritza, Industria eta Zerbitzuen Ganberako lehendakari Javier Taberna hartu dute gaur goizean, bai eta korporazio horretako Batzorde Exekutiboa ere. Foru Komunitateko garapen ekonomikoari buruzko hausnarketak trukatu dituzte haiekin guztiekin, merkataritza eta turismoaren gainean bereziki.

Bileran zehar, Nafarroako Ganberaren foru-legean oinarritutako akordio-marko bat sinatzeko aukera mahai gainean jarri da, eta osagarritasuna sortuko duena gizartearen interes orokor eta ekonomiaren mesedetan nazioartekotze, berrikuntza nahiz lehiakortasun, prestakuntza, ekintzailetza eta industria-jarduerarako ekintzen bidez. Gobernuak Ganberari proposamena aztertuko duela helarazi dio.

Nafarroako Gobernuak azpimarratu du garrantzitsua dela Foru Komunitatea garatzeko oinarrizko arloen plan estrategikoak planifikatu eta egitea; halaber, haiek elkarrizketa eta adostasunaren bidez era integratzailean kudeatu nahi dituela nabarmendu du. Bi erakundeek etengabeko komunikatzeko bideei eusteko oinarriak finkatu dituzte.

Ganberako lehendakari Javier Tabernak azaldu duenez, Nafarroako Ganbera kontsulta-organo bat da, Administrazio Publikoekin elkarlanean aritzen da, eta merkataritza, industria nahiz zerbitzuen interes orokorrak defendatzen ditu; hala, parametro horiek babestuz era leialean lan egingo du Nafarroako Gobernuarekin elkarlanean.