Hiriburutza-gutuna izan da gaur goizean Nafarroako Lehendakari Uxue Barkosek eta Lizarrako alkate Koldo Leozek izandako bileran jorratutako gai nagusia. Gobernuak onartu du merindadeko herri nagusiekin eta egiten duten lanarekin konpromiso bat hartzeko beharra dagoela; Ega hiriko alkateak, berriz, gizarteak eskatzen zuen kudeaketa-aldaketaren alde lan egiteko beharra defendatu du.

Barkos Lehendakariak eta Lizarrako alkateak gaur izandako bilkura Iruñeko alkate Joseba Asironekin hasitako bilera-sortaren barnean sartzen da, eta iragan astean jarraipena izan zuen Tuterako alkate Eneko Larrarterekin. Barkos Lehendakariak adierazi du Nafarroako alkateekin elkarrizketa-bideak ezartzeko borondatea duela, eta gaur aztertzeko gai asko zegoela jakinarazi du, haien artean, hiriburutza-gutuna; harekin, merindadeko herri nagusiek egindako lana aitortuko zen.

Koldo Leozek, berriz, esan du bere hiria, Lizarra, eskaintzera joan dela garai politiko berrian parte har dezan, Nafarroan hasitako aldaketan parte har dezan. Hiriburutza-gutunari dagokionez, Lizarrak, adibidez, eskaintzen dituen zerbitzuen zenbatekoa nola kalkulatu aztertu beharko dela adierazi du.