Esako urtegiaren segurtasuna eta eskualdeak duen langabezia-tasa izan dira Nafarroako lehendakari Uxue Barkosek eta Zangozako alkate Angel Navallasek gaur goizean egindako bileran aztertutako gai nagusiak. Bilera hori Foru Komunitateko Gobernuko arduraduna merindadeko alkateekin egiten ari den bilera-errondaren barnean sartzen da; bilkura horretan, gainera, potasa-meatzearen eta osasunari nahiz hezkuntzari lotutako gaiak ere jorratu dituzte, besteak beste.

Lehendakariak azaldu duenez, Zangozako Merindadeak dituen erronkak eta Nafarroako Gobernuaren konpromisoak guzatzeko unea da. Esako segurtasunari dagokionez, Uxue Barkosek ezaugarri horietako obra batek behar dituen segurtasun-neurri guztiak izan ditzala eskatu du. Zonalde horretan dagoen langabeziari dagokionez, Nafarroan gehien zigortutako eskualdetako bat, enplegua sortzeko beharra azpimarratu du. Hezkuntzari eta osasunari lotutako gaiak jorratzea ere aurreikusita zutela aurreratu du.

Zangozako alkate Angel Navallasek, berriz, Barkos Lehendakariari eskerrak eman dizkio bilerarako deitu izanagatik, eta esan du Esako obren kontua lehentasun gorenekoa dela. Potasa-meatzearen proiektuaz ere hitz egin du, eta proiektu horri alegazio batzuk aurkeztu dizkiola adierazi.