Nafarroako Lehendakari Uxue Barkosek iragarri du Foru Parlamentuko taldeetako bozeramaileekin bilduko dela Hitzarmen Ekonomikoa elkarrekin eta argi defendatzeko; hala, elkartasunerako tresna bat eta erantzukizuneko ariketa bat dela adierazi du.

Gaurko Gobernuko bilkuraren ondoren egindako agerraldian, Barkos Lehendakariak esan du 2008. urtetik aurrera Nafarroak Espainiako diru-kutxari egindako ekarpena ehun milioi baino gehiago handitu dela, 480tik 590era; hau da, Foru Komunitateko diru-sarreren % 18 baino gehiago. Alde horretatik, Cristóbal Montorok zuzentzen duen ministerioak egindako "eraso birzentralizatzailea" salatu du.

Horri buruz, Uxue Barkosek adierazi du autonomia erkidego batzuk bizi duten finantza-gabeziaren arazoak ez dutela zerikusirik zenbaitek Hitzarmenari lotzen dioten ustezko elkartasun ezarekin; Nafarroak, gaur egun, orain arte baino ahots ozenago eta irmoagoa duela defendatu du Hitzarmena babesteko garaian.