Nafarroako Lehendakari Uxue Barkos eta Landa Garapeneko lehendakariorde Manu Ayerdi Bruselara joango dira datorren astean Europar Batasuneko Eskualdeen Batzordearen (CdR) 114.osoko bilkuran izateko. Osoko bilkura hori astelehenetik asteazkenera egingo da.

Agenda astelehen goizean hasiko da; hala, Barkos CdR osatzen duten talde politiko batzuen ordezkariekin biltzea aurreikusita du, eta hainbat lan-batzorde eta -taldetan Nafarroak izan dezakeen presentzia elkarrekin aztertzea.

Arratsaldean, Nafarroako Lehendakariak Eskualdeen Batzordeko Batzarraren irekieran parte hartuko du, eta eguna Txileko Enbaxadak egindako gonbidapenari erantzunez amaituko du, Latinoamerikan oinarritutako ekonomiarako lankidetza-klabean bilkura bat egiteko.

Astearte goizean, Barkos eta Ayerdi lehengo Eskualde Politikako arduradunarekin bilduko dira, Batzordeko goi-kargua eta gaur egun Batzordeko Lehendakaritzako aholkularia dena, Eneko Landaburu; hori guztia, 13:00erako Eskualdeen Batzordeak deitutako Espainiako eskualdeen ordezkaritzen lan-bazkarira joan baino lehen.

Arratsaldean, berriz, Barkos Lehendakariak eta Ayerdi lehendakariordeak Europar Batasuneko Eskualde Politikako Zuzendaritza Nagusiarekin biltzea aurreikusita dute, Nafarroari eragiten dioten zenbait gai nahiz programa jorratzeko. Bruselako agenda Europako Parlamentuko kideekin egindako arratsaldeko elkarrizketa batzuekin amaituko da, Nafarroak Bruselan duen ordezkaritza berritu eta indartuaren politikak eta zereginak koordinatzeko helburuarekin; Mikel Irujo da ordezkaritza horren titularra, eta Nafarroako ordezkaritzarekin izango da Europako hiriburuan dagoen bitartean.

Bestalde, Landa Garapeneko lehendakariorde Manu Ayerdik Bruselako ADITech enpresaren egoitza bisitatuko du astearte goizean.