Nafarroako Gobernuak Moderna Fundazioa desagerrarazteko erabakia hartuko du gaur, asteazkena, egindako bilkuran. Hark garatutako proiektuak Nafarroako Garapenerako Sozietateak (Sodena) bere gain hartuko ditu, eta eskubide nahiz betebehar guztiak subrogatuko ditu, lan-arlokoak barne.

Neurri hori Nafarroako Gobernurako programa-akordioan jasota dago; hark Fundazioa likidatzea proposatzen zuen zehazki, eta "hausnarketa estrategikorako plataforma berri bat sustatzea eragile ekonomiko eta sozial nagusien partaidetzarekin".

Nafarroako Gobernuaren ustez, Sodenari dagokio (Nafarroako ekonomia eta enpresa garatzeko tresna publiko nagusia) MODERNA Planeko estrategia sustatzeko jarduera ("Nafarroako Garapen Ekonomikorako Ereduaren" akronimoa), eta baita orain Fundazioak kudeatzen dituen proiektuak bultzatzea ere.

Plangintza-prozesuetako eragile ekonomikoen partaidetza Nafarroako Kontseilu Ekonomiko eta Sozialaren bidez egingo da, Foru Administrazioaren kontsulta-organoa dena.

Manuel Ayerdi Olaizola lehendakariordeak, entitateko batzorde iraunkorreko lehendakari izanik, egikarituko du Gobernuaren erabakia Fundazioaren estatutuei jarraiki, eta 2010ean sustatu zena lankidetza publiko-pribatuko tresna modura Moderna Plana egikaritzeko. Foru Administrazioaren babesean sortu zen, gehiengo entitate sortzailea izan zena, % 76,66ko ekarpena eginez.

Beste erakunde sortzaile batzuk ondorengoak izan ziren: Unión del Pueblo Navarro, Nafarroako Alderdi Sozialista, Nafarroako Enpresarien Konfederazioa, Unión General de Trabajadores eta Comisiones Obreras sindikatuak, Nafarroako Unibertsitate Publikoa eta Nafarroako Unibertsitatea. Gaur egun, haien ordezkariak gobernuko organoen barnean daude.