Azpiegiturei dagokienez, proiektu berri batzuk egitea aurreikusi da, adibidez: Belate eta Almandozko tunelak hobetzeko plan bat; Nafarroarako Energia Plan bat prestatzea 2025ari begira; euskal Y sareari lotzeko azterketak egitea; Iruñeko tren-geltokirako dauden hirigintzako aukerak eta Nafarroako bidaiari nahiz salgaien eskaera/ahalmenak.

Osasunean, kalitatea hobetzeko egindako apustua 2,2 milioi euroko zuzkiduran islatzen da itxarote-zerrenden aurkako plan estrategiko bat ezartzeko, osasuneko langileen prestakuntza sustatzea edo inbertsioak areagotzea (+% 38,71), 33,2 milioi euroraino heldu arte. Zenbateko hori San Francisco Javier Psikogeriatria Zentroa birmoldatzeko erabiliko da, bai eta Nafarroako Ospitaleguneko mediku-taldeak eta ebakuntza-gela berrien ekipamendua berritzeko ere

Aurrekoarekin batera, prebentziozko jarduerak eta osasuna alor guztietan sustatzea dira Departamentuaren jarduteko bigarren ardatz nagusia. Hura lortzeko, osasun propioko eta toki-erakundeen programetarako zuzkidura handitu egin da (1,6 milioiraino), eta pazienteen elkarteekin lankidetza sendotuko da (1,6 milioi). Prebentzioaren arloan, Koloneko Minbizia Prebenitzeko Programaren II. fasea egingo da, eta pneumokokoaren txertoa haurren txerto-egutegian sartuko.

2016ko hirugarren lan-ildo nagusia ikerketaren sustapena eta osasun-berrikuntza izango da, eta alor horrek 2 milioi euro izango ditu, 2015ean baino % 12,5 gehiago.

Hezkuntzaren arloan, aurreko ekitaldiarekin alderatuz, ahalegin ekonomiko nagusiak hezkuntzako azpiegituren beharrei erantzuteko egingo dira (7,4 milioi euroko zuzkidurarekin), honako ikastetxe publiko hauetan proiektuak eta obrak egiteko: Sarriguren, Buztintxuri, Erronkari, Ituren eta Iturrama, Castejon nahiz Larraintzarreko institutuetan.

Bestalde, 4 milioi euroko partida bat esleitu da testu-liburuen doako programan benetako eskaera asetzeko. Departamentu honetako berrikuntza honako hauek osatzen dute: prestakuntza eta ikerketarako nahiz zuzkiduraren igoerak (600.000 euroraino), bai eta unibertsitateekin egindako hitzarmenetarako ere (200.000 euro), eta D eredua euskalduna ez den zonaldera zabaltzeko aukeraren finantzaketak.

Bestalde, Kulturan ikuspegi-aldaketa bat gertatu da Departamentuaren ekintzetan; hala, arteen berrikuntza lehenesten da, abangoardiako proiektuetarako laguntza-deialdi berriekin edo ikerketa sustatzen dutenak (90.000). Aldi berean, kultura tradizionalari eta herri-adierazpen propioei lotutako sektorerako berariazko laguntzak sortu dira (67.000 euro).

Gainera, museo-sarerako eredu ekonomiko eta funtzionamenduko eredu berri bat zabaltzeko aurrekontu-zuzkidura esleitu da; alor horretan, Oteiza museoak jasoko duen 823.800 euroko ekarpen berria azpimarratu behar da, eta Huarteko Arte Garaikideko Zentrorako, 350.000 euro.

Musikan, Pablo Sarasate fundazioari egindako 3,6 milioi euroko ekarpena aipatu behar da Nafarroako Orkestra Sinfonikoa finantzatzeko.

Kirolaren eta Gazteriaren Institutuaren kasuan, 8,6 milioi euroko aurrekontuari eutsi zaio, eta iragan legealdian izandako % 57ko murrizketa geratu da, horrenbestez. Horrekin, sektore horretako institutuaren lidergoa berreskuratzea bilatzen da.

2016rako Aurrekontuen aurreproiektuak, gainera, Nafarroako Gobernuak oroimen historikoarekin, bakearekin eta elkarbizitzarekin duen konpromisoa islatzen du, genero-berdintasunaren defentsa, herritarren partaidetza bultzatzea eta euskara sustatzea. Alderdi horiek guztiak, Herritarrekiko eta Erakundeekiko Harremanen Departamentu berrian jasota daude, eta haren mende daude ere Akitania-Euskadi-Nafarroa Euroeskualdeko ekintzak (horretarako, 300.000 euro erabiliko dira). Politika berri horiekin, arlo horiek % 18 igoko dira.

Hala, Nafarroako Berdintasunerako Institutuaren aurrekontua 700.000 eurorekin handitu da, eta emakumeen indarkeriaren aurka borrokatzeko erabiliko da gehienbat. Gainera, 247.000 euro Memoria Historikoaren legea garatzeko jardueretarako erabiliko dira (hobien maparen eguneratzea, gorpuzkiak hobitik ateratzea). bai eta biktimak ikusarazteko ere; beste 225.000 euro, berriz, bakeari eta elkarbizitzari lotutako ekintzetarako. Bestalde, departamentu berri honetako aurrekontua herritarrei arreta emateko jarduerekin osatzen da, eta haien artean Iruñean irekiko den bulego bat nabarmentzen da, eta gizartearen partaidetza sustatzea politika publikoen diseinu nahiz jarraipenean.

Azkenik, euskararen sustapenak partida handitu du (1,5 milioiraino) helduen irakaskuntzarako laguntzak berreskuratzeko asmoz, udal arloko ekimenak sustatzeko eta hizkuntz hori hedabideetan sustatzeko.

Landa Garapeneko, Ingurumeneko eta Toki Administrazioko arloan, berriz, aurrekontua Landa Garapeneko Planaren garapenean oinarrituko da; hari esker, nekazaritzako sektorearen esku 13,3 milioi euro jarriko dira nekazari gazteei laguntzeko, nekazaritzako ustiapenetan inbertitzeko eta nekazaritza ekologikoa sustatzeko.

Udal arloan, toki-ogasunetarako transferentzia arrunten funtsa KPI gehi 2 puntu (204,5 milioi) handituko da, eta azpiegituren premiazko inbertsioei erantzungo zaie 11,5 milioiko zuzkidurarekin; azken zenbateko hori ez da nahikoa behar guztiak asetzeko, baina ekitaldian zehar zabaltzea espero da. Toki-erakundeek laguntza ekonomikoa jasoko dute ere ingurumeneko proiektuak egiteko, tokiko mapa berriaren garapenean parte hartzeko eta ondasun higiezinen inbentarioa egiteko.

Ingurumenean, basoko sektorean arreta berezia jarriko da, kontserbazioko nahiz aprobetxamendu iraunkorraren ikuspegitik, eta proiektu berritzaile nahiz iraunkorrak ezartzen ere arreta jarriko da. Lehenengo atalean, 3 milioi erabili dira basoko lan, azpiegitura, nekazaritzako lurrak baso-sartzeko, suteak prebenitzeko eta basoak lehengoratzeko laguntza-deialditan. Bigarren atalari dagokionez, honako hauen laguntza sendotuko da: ingurumen-hezkuntza, elkarteekin dagoen lankidetza, boluntariotzari emandako bultzada eta partaidetza nahiz iraunkortasuna sustatzea.

Azkenik, Lehendakaritzako, Funtzio Publikoko, Barneko eta Justiziako Departamentuan, Nafarroako Jauregia berritzeko plan bat azpimarratu behar da berrikuntza modura (1,2 milioiko aurrekontua), eta baita honako hauetarako partidetan izandako igoera: Foruzaingoaren ekipamendu eta materiala (+400.000 euro), suhiltzaileak (+210.000) eta babes zibila (+107.000 euro). Departamentu honetako berrikuntzak bulego judizial berri baten sorrerarekin osatzen dira espedienteen izapideak arintze aldera.

Lehendakaritzan ere, gastuaren murrizketa ere azpimarratu behar da ondorengo kontzeptuetan, adibidez: protokoloa, garraioa eta bidaia-gastuak, askotariko gastuak (100.000 eurotik gora), segurtasun pribatuko kanporatzeak (155.000 euro), Parke Mugikorreko auto ofizialen erabilera.