Garapen Ekonomikorako Departamentuak aurrekontuen aurreproiektuan berrindustrializazioaren politikak, I+G+Bko teknologia eta nazioartekotzea lehenetsi ditu ekonomia suspertzeko eta kalitatezko enplegua sortzeko bide modura.

Hala adierazi du Manu Ayerdi lehendakariordeak bere eskumenaren arloko aurreproiektuko gakoak azaltzeko eskainitako prentsaurrekoan.

Onartu duenez, Departamentuak langilerik gabeko 174,5 milioi euroko marjina du, baliabideen bolumen txikiagoa Gobernuaren ekintzak oinarrizko zerbitzu publikoak eta pobreziaren nahiz gizarte-bazterkeriaren aurkako borroka lehenetsi dituelako "testuinguru zail" batean; izan ere, 2016rako defizit-helburua 2015ekoa baino lau hamarren txikiagoa da, eta gastu-gailurra 2015eko benetako gastua baino txikiagoa. "Aurrekontu publikoa handitzearen alde egin da: % 5 hezkuntzan, % 6 osasunean eta % 9 eskubide sozialei estaldura emateko politiketan", adierazi du.

Ayerdik azpimarratu du, nolanahi ere, 2016a "diagnostiko eta plangintzarako" urtea izango dela bere Departamenturako, urte anitzeko konpromisoak ezartzeko xedearekin, eta horrek 2019ra arteko ekintza politikoa "sendoagoa" egingo duela.

Azaldu duenez, 175 milioi euro ingurutik, 95 Herri Lanetatik etorri dira (haietatik 60 Pirinioetako eta Bideko autobideen itzalpeko bidesarien bidez "oinordetzan jasotakoak" eta, gainerakoa, errepideen kontratuetatik eta Eskualdeko Hiri Garraiotik). Herri Lanak aurrekontua gehien murriztu den alorretako bat da, nolanahi ere.

Dagoen marjinaren barnean, haren Departamentuak plan teknologikoa lehenetsi du (21 milioi euro), eta 2015arekin alderatuz, apur bat igo da. Enpresa-inbertsioaren sustapenak 24,5 milioi euro ditu. Eta Turismoa nahiz Merkataritza ere azpimarratu dira alor horiek duten ahal handiagatik.

Berrikuntzen artean, 1,1 milioi euroko partida bat nabarmendu behar da langabezi handieneko Nafarroako zonaldeetan esku hartzeko, 2 milioiko beste bat I+Gko proiektu estrategikoetarako edo 1 milio handitzea teknologia-zentroen transferentzietarako. Aurreproiektuak ere ondorengo partidak jasotzen ditu ere: nazioartekotzea suspertu eta planifikatzeko, unibertsitate eta LHko zentroen spin-off izenekoa sortzeko, edo zientzia nahiz enpresako klusterrak sustatzeko.

Azaldu duenaren arabera, Gobernuaren helburua kalitatezko enplegua sortzea da, eta hori lortzeko, lau jarduera-ildotan oinarrituko da: enpresa-egitura lantzen (tamaina, klusterrak eta garapenerako aukerak): inbertsioa sustatzen eta finantzaketa eskuratzen; berrikuntzan; eta nazioartekotzean.

"Industria eta enpleguaren kalitatea egiaztatutako errealitatea da. Gero eta industria gehiago, orduan eta batez besteko soldata hobeak, egonkortasun handiagoa eta langabezia-tasa txikiagoa, eta enpleguaren sorreran ere biderkatzaile zuzen eta eragindako biderkatzaile handiagoak izango dira", azaldu du kontseilariak.

Industriako inbertsiorako laguntzek osatzen dute partida nagusia (24 milioi inbertsioetarako diru-laguntzetarako eta 500.000 euro udal industrialdeetarako), eta haiekin batera, 1,1 milioi euroko zuzkidura aipatu behar da langabezia handieneko zonaldeak berrindustrializatzeko, laguntza zuzenekin eta Nasuvinsaren bidez.

Bestalde, Nafarroako enpresen nazioartekotzea "ahalik eta bizkorren" sustatzeko, diagnostiko bat landuko da neurri estrategiko berriak finkatzeko eta, horretarako, 127.000 euro inbertituko dira; 566.000 euroko kudeaketa nahiz sustapeneko neurriak ere aurreikusten dira.

Berrikuntzaren aldeko apustua agerian geratu da I+G+Bko proiektuengatik enpresei emandako diru-laguntzen partida 500.000 euroan igotzean, 6.200.000 euroraino heldu arte, I+G proiektu estrategikoetarako diru-laguntzen partida berri batekin batera (2.000.000 euro). Guztira, berrikuntza-kapituluak 8,2 milioi izango ditu, eta hari 300.000 euro gehitu behar zaizkio bonu teknologikoetarako eta teknologia-zentroei egindako transferentzien 8 milioi euro (1 milioi gehiago), gehi teknologoak kontratatzeko emandako 1.625.000 euroko laguntza.

Lurraldean berrikuntza sustatzeko, 100.000 euro Zientzia eta Teknologia Plana sortzeko erabiliko dira. Gainera, laguntzen partida berri bat sortu da, 100.000 eurokoa, unibertsitateetako spin-off-etarako eta LHko zentroetarako.

Sodenari (Modernaren teknikariak barneratu dituen enpresa publikoa) ere egiten zaion lurralde-mailako estrategia babesteko, Gobernuak 575.000 euro gehiagorekin lagundu ditu enpresetarako inbertsioak eta finantzaketa.

Ekonomia sozialeko jardueretarako eta autonomoentzat 175.000 euro erabiliko dira. Klusterrak babesteko, 225.000 euro erabiliko dira, eta enpresek finantzaketa eskuratzeko bidea erraztuko da elkarrekiko bermearen sozietateekin egindako hitzarmen-sistema batekin (220.000 eurorekin).