Teo, 51 urtekoa, Burgo, 50ekoa eta Luis, 35ekoa, zirkulazioko istripu baten ondorioz kalte zerebrala duten mendeko hiru pertsona dira. Gaur goizean, Nafarroako Kalte Zerebralen Elkarteko (Adacen) profesionalen laguntzarekin, Nafarroako Autobideko (AP-15) Tebasko ordainlekura joan dira, eta bertan Foruzaingoak jarritako zirkulazio-kontrol batean parte hartu dute.

Foruzainek Iruña aldera zihoazen gidariak ausaz gelditu dituzte. Jarraian, Teok, Burgok eta Luisek beren esperientziaren berri eman diete eta nola zirkulazioko ezbehar batek beren bizitza erabat aldatu zioten. Ekintza honen helburua gidariek zirkulazioko arauak bete dezaten da eta bolantearen aurrean zentzuz joka dezatela.

Gaurko hau izan da Foruzaingoa Eguberri hauetan, Nafarroako Kalte Zerebralen Elkartearen (Adacen) laguntzarekin, egiten ari den hiru kontroletako bat. Ekintza hauen helburua zirkulazioko istripuen ondorioen gainean gidariak kontzientziatzea da eta bideko ezbehar-tasa murriztea.

Gogora ekarri behar da kalte zerebrala duten pertsonen laurden batek burezur-garuneko traumatismoa baten ondorioz dutela kalte hori, % 70 zirkulazio istripu batengatik, eta portzentaje hori igo egiten dela pertsona gazteagoa den kasuetan. Nafarroan 6.353 pertsona daude kalte zerebral kronikoarekin, eta haietatik 1.270 lagunek burezur-garuneko traumatismoa izan zuten, zirkulazioko ezbeharretan gehienek.

Teo, Burgo eta Luisen istorioa

Teo Abajo Pérez Deikaztelukoa da eta 51 urte ditu. Ezkonduta eta adin txikiko bi seme-alaba ditu. Zirkulazioko istripu bat izan zuen kamioilari modura lan egiten ari zela 2006ko urrian. Mendekotasun larria du gaur egun eta Adacengo eguneko zentrora joaten da egunero 2007. urtetik aurrera.

Burgo Chávarri Martínez Alfarokoa da, 50 urte ditu, ezkongabea da eta ez du seme-alabarik. Renfen egiten zuen lan, eta 1992ko abuztuan izan zuen zirkulazioko istripu bat. Mendekotasun handia du egun, eta Adacengo laguntza jasotzen du haren egoitzan eta eguneko zentroan.

Luis González Pérez Ziordian bizi da eta 35 urte ditu. Ezkongabea da ez du seme-alabarik. 2010eko abenduan izan zuen zirkulazioko ezbeharra. Mendekotasun handia du eta Adacengo egoitzako eta eguneko zentroko zerbitzuak jasotzen ditu.

Gaur goizean egindako zirkulazio-kontrolean ere parte hartu dute, besteak beste: Foruzaingoko Zirkulazio Arloko eta Bide Segurtasuneko komisario Jose Antonio Gurreak eta Adacengo zirkulazio-istripuak prebenitzeko programaren arduradun Usua Purroy-k.