Nafarroako Ogasunak urtarril guztian aparteko epe bat zabalik izango du sindikatuek, eta neurri txikiagoan profesionalen elkargo, alderdi politiko eta beste dohaintza-hartzaileek beren afiliatuek 2014an ordaindutako kuoten berri eman dezaten. Ekitaldi honetan, eta aitorpen-ereduaren aldaketa bat dela eta, Ogasunak afiliazioen % 15aren informazioa baino ez zuen jaso.

Salbuespen modura, eta kenkaria errazteko asmoz, Nafarroako Gobernuak Foru Parlamentuak onartutako zerga-neurrien foru-legean honako hau sartu du: 2015eko errenta-aitorpenean 2014ko zenbatekoa kentzeko aukera, 2016an aurkeztu behar dena.

Zehazki, kenkaria egin ez zitzaien afiliatuek ez dute Ogasunean inolako izapiderik egin behar, eta beren erakundearekin harremanetan jarri beharko dira.

Bestalde, sindikatu, elkargo eta alderdiek urtarrilean Ogasunari 2015eko errenta-aitorpenean justifikatu ezin izan ziren 2014ko kuotak jakinarazi behar dizkiete 182 ereduaren bidez (aparteko epe berezia eta, horretarako, formularioa egokitu egin da). Izaera arruntarekin, erakundeek 2015eko kuotei buruzko informazioa ere eman beharko dute. Biak ala biak kontuan hartuko dira 2016ko urte honetan aurkeztuko den errenta-aitorpenean. Ogasunak edozein zalantza argituko du 948 50 51 52 telefono-zenbakian.