Iragan abenduan izandako landaretzako 52 suteek 598 hektarea inguruko azalera kaltetu zuten, urteko gainerako hilabeteetan bezain beste ia, 635 hektarea, Nafarroako Suhiltzaileen Zerbitzuaren behin-behineko datuen arabera.

Zehazki, abenduko bigarren hamabostaldian Kantauri isurialdean piztutako lau sute handiek basobera eta baso-masaren 560 hektareako ingurua kaltetu dute (50 Goizuetan, 50 Lekarozen, 230 Igantzin eta 230 Arantzan). Nolanahi ere, kalkulu horiek oraindik orraztu egin behar dira, azalera horien barnean erre gabeko guneak baitaude.

Aldiz, 2015eko uda azken hamarkadan sute eta azalera gutxien erre den bigarren uda-garaia izan da. Zehazki, 362 sute piztu dira eta 197 hektareari eragin diote; hamarkadako batez bestekoa, berriz, 436 sute eta kaltetutako 635 hektarea izan da.

Hiru hektareatatik bi Baztanen eta Bidasoan

Aipagarria da aurten landaretzako sute batek (1.233) kaltetutako hektarea-kopurutik, hirutik bi (824) Oronozko parkeko eragin-guneari dagozkiola (Baztan eta Bidasoako eskualdeak).

Gainerako hektareak, 409, Nafarroako gainerako tokietan banatzen dira, eta honako suhiltzaile-parkeek artatutako eremuetan daudenak nabarmendu behar dira: parke nagusia (Cordovilla), 102; Lodosa, 72; Tutera, 67; eta Tafalla, 60.

Sute-kopuruari erreparatzen badiogu, 2015ean piztutako 1.009tatik, 225 Tuterako eskualdeko parkeak itzali zituen; 155, parke nagusiak (Cordovilla); 118, Lizarrakoak; 109, Tafallakoak; 84, Oronozkoak eta beste 84, Azkoiengoak. Haien atzetik datoz Trinitarioen parkea (72), Lodosa (72), Zangoza (42), Altsasu (22), Auritz (14) eta Nabaskoze (12).