Zerga-neurri horren onurak

Beren agerraldian, Kaparra lehendakariordeak eta Aranburu kontseilariak zerga-neurri horrek mendekoei ekarriko dizkien onurak banan-banan aipatu dituzte. Haien artean, herritar horien edo haiek mantentzen dituzten senideen egoera ekonomikoaren hobekuntza azpimarratu dute; izan ere, aparteko gastuei aurre egin behar diete zaintza-arloan edo etxebizitza egokitzeko, adibidez.

Gainera, Nafarroako Gobernuak desgaitasun-maila baloratzeko denbora-tarteak murriztea espero du, egungo bost hilabetetatik bira, mendekoak ez baitituzte berriz ere baloratuko, oraingoan desgaitu moduan, aipatutako zerga-arintzeak eskuratzeko. Kalkulatzen da desgaitasuna aitortzeko hiru eskaeratatik bat izaera hori egiaztatzeko beharrak eragiten zuela zerga-arintzeak eskuratzeko.

Azkenik, mendekoek eta haien senideek ez dituzte prozedura burokratikoak eta desplazamenduak egingo desgaitasun-maila aitortu diezaieten (ez da etxean bertan egiten), horrek dakarren guztiarekin; izan ere, mendeko pertsonek muga fisiko-psikiko garrantzitsuak dituzte.

Zerga-arintzeen xehetasuna

Aipatu denez, mendeko pertsonek aurten % 65eko edo handiagoko desgaitasuna duten pertsonen zerga-arintze berak baliatuko dituzte PFEZen. Honako hauek dira:

- Gutxieneko pertsonalagatik bere aitorpenean aplika daitekeen kenkari handiagoa

- Lanagatik aplika daitekeen kenkarian % 100eko gehikuntza

- Ohiko etxebizitzan egoera horrengatik egin beharreko obrengatik aplikatu daitekeen kenkaria

- Errenta-muga handiagoa etxebizitza erosteagatik aplika daitekeen kenkariaren ondorioetarako

- Subjektu pasibo bera zaintzegatik aplika daitekeen kenkaria

- Atxikipen txikiagoa aplikatzea

- Gutxieneko ahaideagatik aplika daitekeen kenkaria mendekoarekin bizitzen den kasuan, aurreko edo ondorengo ahaidea, Ondorio Askotarako Errenta Adierazle Publikoa (IPREM) baino errenta handiagoa izan gabe

- Kalifikazio hori duten aurreko do ondorengo ahaideak zaintzeagatik aplika daitekeen kenkaria

- Muga handiagoa elikagaietarako emandako urtesarien kasuan tarifa bereizia aplikatzeko

- Murrizketak aplikatzea mendekoen aldeko pentsio-planei egindako ekarpenengatik

Aplikazioaren hiru adibide

A) Mendeko baloratutako pertsona bat eta desgaitasuna eskatu ez zuenak, ezkongabea, 55 urtekoa eta profesionalki aktiboa ez denak errendimendu bakar gisa pentsio bat kobratzen du, 32.000 euroko oinarri likidagarria dakarrena.

2016an indarrean izango den tarifa aplikatzean, 7.760 euroko kuota ateratzen da, eta hari gutxieneko pertsonalagatik 3.447 euroko kenkaria deskontatu beharko zitzaion.

Mendekotasuna desgaitasunarekin zerga-alderaketa egin aurretik, kenkari hori 972 euro izango zen. Adibide honetan, neurri horren onura 2.475 euro da.

B) Mendeko baloratutako pertsona bat eta desgaitasuna eskatu ez zuenak, ezkongabea, 55 urtekoa eta profesionalki aktiboa denak, bere lanaren errendimendu bakar gisa 35.000 euro kobratzen du, kengarriak diren gastuak deskontatuta, eta horrek 32.000 euroko oinarri likidagarria dakar.

2016an indarrean izango den tarifa aplikatzean, 7.760 euroko kuota ateratzen da, eta hari gutxieneko pertsonalagatik 3.447 euroko kenkaria deskontatu beharko zitzaion eta lanagatik aplika daitekeen kenkaria, 1.400 euroan igotzen dena ere.

Mendekotasuna desgaitasunarekin zerga-alderaketa egin aurretik, kenkari horiek 972 eta 700 euro izango ziren, hurrenez hurren. Adibide honetan, neurri horren onura 3.175 euro da.

C) Kasu honetan, mendeko pertsona, desgaitasuna eskatu ez zuena, alarguna da, 80 urte ditu, IPREMa baino errenta txikiagoa du eta alabarekin bizi da. Alaba hori baliatuko da hartutako neurriaz bere errenta-aitorpenean gutxieneko ahaideagatik aplika daitekeen kenkariaren bidez, eta orain handitzen dena.

Alabak, 50 urtekoa eta profesionalki aktiboa izanik, errendimendu bakar gisa bere lanagatik 35.000 euroko errentak kobratzen baditu, kengarriak diren gastuak deskontatuta, horrek guztiak 32.000 euroko oinarri likidagarria dakar.

2016an indarrean izango den tarifa aplikatzean, 7.760 euroko kuota ateratzen da, eta hari gutxieneko pertsonalagatik 972 euroko kenkaria deskontatu beharko zitzaion eta, gutxieneko ahaideagatik aplika daitekeen kenkaria, 525 eurotik 2.643 eurora igoko dena. Neurri horrekin 2.118 euroko irabazi lortzen da.