Nafarroako ekonomia % 2,9 hazi da 2015ean, hau da, Nafarroako Gobernuak irailean egindako % 2,8ko aurreikuspena gainditu du. Osagai guztiek laguntzen dute Barne Produktu Gordinak (BPGd) aurrera egin dezan, nahiz eta zerbitzuek eta kontsumoak neurri handiagoan egin.

Ayerdik adierazi du, hala ere, nazioarteko testuinguru arraroa ikusirik, "oso adi" eta "alertan" izan behar dela; Espainiak eta Foru Komunitateak hazkunde-tasa handiarekin jarraitzen dutela esan du ere; izan ere, petrolio-prezioaren jaitsieraren eta euro-dolar aldaketaren balio-galtzearen ondorioek gerta daitekeen aurkako egoera bat malgutu dezake eta ekonomia "indartu". Espainiarako NDFk egindako aurreikuspena % 2,7ko hazkundea da, Nafarroarako egoera positiboa dena.

Nolanahi ere, lehendakariordeak azpimarratu duenez, beharrezkoa da datu makroekonomikoak enpleguan eta kalitatezko enpleguan islatzea. "BPGd-aren hazkundea enpleguan nabaritzen ez bada, zereginaren alde garrantzitsuena falta da. Eta alde horretatik, asko dago egiteke", adierazi du.

Urteko laugarren hiruhilekoan, Nafarroako ekonomiak bizkortze arin bat izan zuen (% 0,9raino heldu zen), Estatuko batez bestekoa baino hamarren bat gehiago; egoera horri esker, % 3,3ko urte arteko hazkundea izan da (2014ko IV. hiruhilekoaren alderatuz), hau da, aurreko hiruhilekoan baino gehiago (% 3,1), eta Estatuarekiko diferentziala murriztu da, urte arteko % 3,5eko hazkundea izan duena. Hala, urte arteko diferentziala bi hamarren izan da; Estatuko batez bestekoak lauko aldea ateratzen zion lehen hiruhilekoan.

Laugarren hiruhilekoan izandako nolabaiteko bizkortze hori (urte hasiera ahula izan zen) egoeraren araberako adierazleetan ikusten zen. Adibidez, azaroan, zerbitzuen sektoreko negozio-zifraren % 7,4ko urte arteko hazkundea izan zen, eta industrian, eskaera-sarreren % 9,7, eta negozio-zifraren % 5,4. Afiliazioa % 3,2 igo zen azaroan, eta % 3,1 abenduan.

Lehendakariordeak aipatu duenez, hazkunde-zifra horiek (% 1,5 2014an eta % 2,9 2015ean) Nafarroa hazkunde-erritmo handienen artean jartzen dute (Espainiak % 1,4 izan zuen eta % 3,2 2015ean), Europar Batasunaren goranzko joerari jarraiki, baina aurrera egiteko tasa handiagoekin.

Aipatu beharra dago Alemaniak uzkurtze bat izan duela 2014arekin alderatuz (% 1,3, % 1,6 2014an), baina Frantzia, Nafarroaren lehen bezeroa esportazioan, erritmo onean egiten ari da aurrera (+% 0,2 2014an, eta % 1 2015ean).