Castellano | Euskara | Français | English
Herritarren Arreta
Telefonoa: 948 012012
012*
Ordutegia: astelehenetik ostiralera, 8:00ak eta 19:00ak artean.
Helbide elektronikoa: navarra@navarra.es
* Deiaren balioa: 0,34 euro, iraupena edozein dela ere.
Ikusi egun honetako albiste gehiago
Izenpetzen dutenei diru-laguntzaren % 75 aurreratuko die poliza formalizatzeko unean
Nafarroako Gobernuak 1,8 milioi euro erabiliko du 2016an nekazaritza-aseguruak izenpetzeko laguntzetan, aurtengo aseguru-planari dagozkionak. Alde horretatik, aipatu behar da Foru Gobernuak izenpetzen dutenei diru-laguntzaren % 75 aurreratuko diela poliza formalizatzeko unean.
Jarraian, jasotako eskaerak ebaluatu ondoren eta dagoen aurrekontuaren arabera, pertsona onuradun bakoitzari dagokion gehieneko diru-laguntza zehaztuko da eta, hala badagokio, gainerako zenbatekoa ordainduko da, diru-laguntzaren % 100 osatu arte. Laguntza horiek Estatuak xede berarekin emandakoak (Aseguruen Estatuko Erakundea-ENESA) osatzen ditu. Europako araudiak adierazten duen moduan, diru-laguntzaren zenbatekoak (Nafarroako Gobernua eta ENESA) ezingo du inolaz ere nekazaritza eta abereen aseguruen % 65 gainditu, eta ezta % 90 ere hildako animaliak kendu eta suntsitzeko.
Deialdi hori Nafarroako Aldizkari Ofizialean gaur, otsailak 2, argitaratutako ebazpen batean jasotzen da.
Nekazaritza-sektorean diruz lagundu daitezkeen lerroak estaldura gorakorrak dituzten aseguruetarako izango dira, honako ustiapen-mota hauetarako: estalkipeko fruta eta barazkiak, udazken-negu zikloko atari zabaleko baratzak; belarki-laborantza estentsiboak; fruitu lehorrak; kaki eta beste fruta-arbolak (kiwia eta elorri beltza); ardoa egiteko mahatsa; olibondoak; gereziondoak; udaberri-negu zikloko atari zabaleko baratzak; eta ondorengo zikloak. Berrikuntza modura, baratzetako aseguru gorakorren 307, 318 eta 327 lerroetarako, kanpaina honetan laguntza EBak ezarritako gehieneko laguntzaraino handitu da, hots, % 65.
Abereen sektorerako, honako hauek ustiatzeko aseguruak diruz lagunduko dira: hazteko behi-azienda eta hazkuntzakoa; ardiak eta ahuntzak; plazako behiak; gizentzeko azienda; bazken galera konpentsatzeko; balorazio genetiko handiko behiak; zaldiak; haragitarako hegaztiak; arrautzak jartzeko hegaztiak; hazteko behiak eta txerrien azienda.
Azkenik, ustiapenean (berriztagarria eta berriztagarria ez dena) hildako animaliak suntsitzetik sortutako gastuak estaltzeko aseguruak diruz lagunduko dira ere.
Albiste hau osorik izan nahi baduzu PDF artxibo batean sakatu hemen