Nafarroak eta Euskadik nekazaritza eta abeltzaintzako gai komunak aztertu dituzte, tokiko produktua sustatzea eta gazteak sektorera erakartzea bereziki. Gai horiek eta beste zenbait jorratu dituzte Landa Garapeneko, Ingurumeneko eta Toki Administrazioko kontseilari Isabel Elizaldek eta Eusko Jaurlaritzako Nekazaritza, Arrantza eta Elikadura Politikako sailburuorde Bittor Orozek, gaur goizean Gasteizen egindako bileran; bilkura horren helburua bi administrazioek lehen sektoreari eta landa-munduari lotutako politiken esparruan duten lankidetza sakontzea izan da.

Gainera, landa-ingurunerako eta lehen sektorerako gaurkotasunezkoak eta garrantzi handikoak diren gaiak jorratu dira, adibidez: landa garapeneko programen ildo estrategikoak (PDR) 2015-2020, esnekien sektorea, indarrak batzeko aukera kalitatezko markak sustatze aldera, Idiazabal Jatorrizko Deituraren Planari jarraipena egitea eta Europako programetan parte hartzea.

Bilkuran parte hartu dute ere: Foru Gobernuko Landa Garapeneko, Nekazaritzako eta Abeltzaintzako zuzendari nagusi Ignacio Gilek eta Eusko Jaurlaritzako Kalitate eta Elikadura Industrien zuzendari Peli Manterolak.