Gogora ekarri behar da Nafarroako Gobernuak beren etxebizitza alokairu-poltsan jartzen dutenei errenta puntualki eta seguru kobratzea bermatzen diela, higiezina egoera onean itzultzea eta etxeko edukitzailearen arrisku anitzeko aseguru bat kontratatzea, Nasuvinsaren bitartez; aseguru horrek etxebizitzan izan daitezkeen ezbeharrak estaltzen ditu.

Orain arte, etxebizitza libre bat nahiz babestutako bat eskaintzeko alokairu-poltsa honetan gutxienez denboraldi batez libre egon izana egiaztatu behar zen. Nolanahi ere, hemendik aurrera baldintza hori ez da beharrezkoa izango Iruñerriko hamabost bat udalerritan dauden higiezinetarako: Honako hauek dira: Aitzoain (Berriobeiti), Antsoain, Artika (Berriobeiti), Barañain, Berriobeiti, Berriozar, Burlata, Gorraitz (Eguesibar), Huarte, Mutiloa (Aranguren), Olatz (Eguesibar), Iruña, Sarriguren (Eguesibar), Atarrabia eta Zizur Nagusia.

Tuteran ere ez da baldintza hori beharrezkoa izango, nahiz eta udalerri horretako etxebizitzak onartuko diren soilik babestutako alokairu-poltsan, Nasuvinsak sustapeneko etxebizitza libreak ez dituenean.

Bestalde, Iruñerriko zortzi udalerritan beharrezkoa izango da etxebizitza libreak hutsik izatea beren jabeek alokairu-poltsa horretan sartzeko eskaera egin baino baino hiru hilabete lehenago gutxienez. Udalerri horiek dira: Arre (Ezkabarte), Beriain, Zizur Txikia (Zizur Zendea), Cordovilla (Galar Zendea), Eskirotze (Galar Zendea), Noain, Orkoien eta Ororbia (Oltza Zendea).

Beste berrikuntza bat da hemendik aurrera alokairu-poltsa horrek pertsona juridikoen jabetzak izan ahalko direla eta hipoteka-kreditu baten ordainean ematearen bidez eskuratu direnak, hipoteka-subrogazio bidezko salerosketa bitartez edo antzeko negozio juridiko baten bidez. Pertsona juridiko bakoitzeko ez da gehieneko etxebizitza muga bat izango.