Saritutako pertsona eta erakundeen merezimenduak

Juan Peralta Gascón, Reyno de Navarra taldeko txirrindulariak, emaitza aipagarriak erdietsi zituen iaz jokatutako nazioarteko eta estatuko probetan; haiei esker, Nafarroako kirolari onenaren saria eskuratu du. Selekzioaren parte izanik, 15. sailkatu zen taldekako abiadurako Munduko Txapelketako proban eta 18. banakako abiadurako proban (Cambridge. Zeelanda Berria); 10. taldekako abiadurako Munduko Kopako proban eta 16. banakako abiaduran (Cali, Kolonbia); 8. taldekako abiadurako elite mailako Europako Txapelketan eta 16. banakako abiaduran (Grenchen, Suitza). Gainera, banakako abiadurako Espainiako Txapelketa irabazi du elite mailan, eta 1. taldekako abiaduran (Galapagar, Madril); 14. izan zen taldekako abiadurako Munduko Txapelketa Nagusian eta 17. banakako abiaduran (Saint Quentin en Yvelines, Frantzia) eta 11. taldekako abiadurako Munduko Kopako proban (Cali, Kolonbia).

Maite Orozi dagokionez, Athletic Clubeko futbolaria eta iazko Nafarroako kirolari onena, selekzioarekin 19 urtez azpiko UEFA Txapeketa irabazi zuen (Eslovakia), 17 urtez azpiko Europako Txapelketa 2015ean (Islandia), eta 17 urtez apiko Europako Txapelketako Sailkapeneko Rona Elitea 2015ean (Socchi, Errusia). Bere taldearekin, abenduaren 31n ligaren buru ziren.

Anaitasunaren Gimnasia Erritmikoko taldea emakumezko talde onena izendatu dute GRko (2. fase orokorreko aurretiazko jardunaldian) 1. mailako (Estatuko 1. maila) Taldekako Espainiako txapeldun geratu ondoren (Valladolid), eta Grupoempleo Pamplona Atléticori gizonezkoen talde onenaren saria eman diote Ohorezko Mailan (1. maila) jarraitzea erdietsi eta gero maila eusteko jokatuko finalean 2014-2015ean (Burgos).

Epaimahaiak Nafarroako Errugi Federazioko lehendakari Javier Lorente Doria 2015eko agintari onena izendatu du. Gaur egun, erakunde horretan 700 lizentzia daude, haietako erdia baino gehiago adingabeak dira, eta emakumeen errugbiaren, harrobiaren eta errugbi inklusiboaren sustapena azpimarratu behar dira. NUPeko eta Nafarroako Unibertsitateko instalazioak erabiltzeko akordio bat lortu du, eta errugbia Nafarroako Kirol Jokoetan berriz joka dadin. Gainera, taldeetarako kirol-babesleak lortu ditu, eta Europako teknikariekin trukeak egin dira entrenamenduen kalitate hobetze aldera.

Gainera, Nafarroako Errugbi Federazioa onena izendatu dute. Aipatutako merezimenduei, Nafarroako selekzioen emaitza batzuk eta estatuko selekzioetan jokalari nafar batzuek gehitu behar zaizkie, Saioa Jaurena Atxa, esaterako (15 Errugbiko selekzio nagusia. Esapa-Hong Kong), edo Ohorezko Mailan Ordiziako taldean jokatzen duten lau jokalari nafarrak eta Nafarroako Infantilen Selekzioa, 1. postuan sailkatu zena 16 urtez azpiko infantil mailako Espainiako Txapelketan eta 18 urtez azpiko kadete mailako Espainiako Txapelketan.

2015ean 75 urte bete dituen Oberenak jaso du klub onenaren saria. 1941ean sortua peña eta dantza-taldearen inguruan, kirol-klub modura garatu da, eta honako atal hauek ditu: xakea, saskibaloia, eskubaloia, igeriketa, padela, pilota, squasha, taekwondoa, tenisa, mahai-tenisa, futbola eta mendia. Iaz urteurren hori ospatzeko hainbat jarduera antolatu zituen.

Azkenik, Corellako Udalaren Kirol Batzordeak proiektu berritzaile onenaren saria jaso du "Corella, zure osasunerako taupadak" izeneko Kirol eta Osasuneko ekimenagatik.