Garapen Ekonomikorako lehendakariorde Manu Ayerdik Nafarroako Espezializazio Adimentsuaren Estrategiako gobernantza-eredu berria (RIS3) aurkeztu du gaur Foru Komunitateko zenbait eragile sozioekonomikoren aurrean, ekarpenak, kritikak eta hobekuntzak jasotzeko asmoz.

Moderna Plana eguneratzea dakarren estrategia hori lurralde baten eraldaketa ekonomikorako Europako sistema berritzaile bat da, eta haren jarraipena aurretiazko baldintza izango da Europar Batasuneko egiturazko funtsak eskuratze aldera.

RIS3 delakoak jakintzan eta espezializazioan oinarritutako garapen baterako irizpideak jorratzen ditu, balio erantsi handiko eta berrikuntzako jardueren bidez. Horrek eskualde bateko funtsezko lehentasunak eta beharrak zehaztea eskatzen du, politika eta inbertsioak bideratzeko.

Lehentasun horien zehaztea eta gauzatzea "helize laukoitzarekin" egin behar da: sektore publikoa, ekoizpeneko sektorea, jakintzaren sektorea eta gizarte zibila.

Printzipio horrek –helize laukoitza– gobernantza-eredu berria antolatzen du, eta hura Ayerdi lehendakariordeak (bere taldeak babestuta) eta Sodenaren zuzendari nagusi Pilar Irigoienek aurkeztu diete gaur goizean, Departamentuan, honako ordezkari hauei: Nafarroako Enpresaburuen Konfederazioa eta Ekonomia Sozialeko Enpresen Elkartea (ANEL); UGT, CCOO sindikatuak; Nafarroako Unibertsitate Publikoa eta Urruneko Hezkuntza Unibertsitatea; Navarra Aditech teknologia-zentroen korporazioa; eta An. Coop, CINFA, Gamesa, Mondragón edoo Viscofán enpresei. Nafarroako Unibertsitatea ez da agertu agenda-arazoak direla medio.

Nafarroako Gobernuaren lehentasuna gizarte guztiak estrategia "partekatu" bat eraikitzea da eta eztabaidarako zabaldu den proposamen bat proposatzen du, hau da, lanerako hiru esparru dituen egitura bat:

- Plataforma Estrategikoa, ehun bat pertsonak osatuta: partaidetza eta kontsultarako organoa, eta bertan enpresak, enpresa-elkarteak, teknologia-zentroak, unibertsitateak, toki-garapeneko agentziak, eragile sozialak, Parlamentua eta abar izango dira.

- Aholku eta Kontrol Batzordea, bertan lehendakariorde ekonomikoa izango da, eta helize laukoitzeko hogei bat pertsonak osatuko dute, hau da, Nafarroako erakunde garrantzitsuenek: enpresa traktoreak, unibertsitateak eta teknologia-zentroak eta enpresa nahiz sindikatuetako eragileak. Batzorde horren barnean ostiral honetarako deitutako erakundeak izango ziren.

- Zuzendaritza Batzordea, 30 bat kiderekin: Gobernuaren departamentu arteko batzorde bat da, eta estrategia eta tresnak nahiz baliabideak baliozkotzen ditu egikaritu ahal izateko. Honako hauek osatzen dute: kontseilariak eta zuzendari nagusiak, arlo ekonomikoko zerbitzuko zuzendariak eta enpresa publikoen arloko arduradunak. Langile tekniko horiekin, estrategia iraunkorra eta aplikazioa arinagoa izatea bermatu nahi da.

Laugarren jarduera-eremu bat Koordinazioko Talde Teknikoa izango da, Sodenako teknikariek osatua; estrategia jarraitzeaz nahiz etengabeko eguneratzeaz arduratuko da, eta erakunde kudeatzaileei babesa emateaz.

Egitura zehaztuta eta onartuta dagoenean, Nafarroako Gobernuak ondorengo lan-egutegia proposatzen du: maiatzera arte, RIS3 diagnostikatu eta eguneratzea; eta maiatzetik abendura, inplementatzea edo ezartzea.