Nafarroako Gobernuak Elkarkide S.L. enpresari 1.734.200 euroko diru-laguntza ematea baimendu du asteazken honetan egindako bilkuran, gaixotasun mentala duten pertsonentzako bere lau zentro okupazionalak mantendu daitezen. Irabazi-asmorik gabeko enpresa horrek 215 plaza eskaintzen ditu: 105 Iruñean, Aranzadi eta Iturramako zentroetan; 80 Noainen; eta 30 Tuteran (Las Labradas).

Elkarkide programa buru-nahasmendu larria duten pertsonentzat da, urte dezenteko eboluzioa dutenak, eta arreta pertsonalizatua eskatzen dutenak narriadura kognitibo, fisiko eta harremanetakoa geldiarazteko. Zentro okupazionaletan jarduera okupazionalak, prestakuntzakoak, lanean hasi aurrekoak eta garapen sozialetakoak egiten dira; hala, lan-jarduera batean sartu ezin duten pertsona horientzat, enplegurako zentro berezia edo enpresa arrunta izan dadin.

Lau zentroak 238 egunez zabalik izango dira 2016an. Zerbitzua astelehenetik ostiralera emango da, 09:00etatik 14:00etara, mantentze sozio-pertsonaleko nahiz estimulazio kognitibo eta motibaziozko programetarako. Gainerako programetarako, ordutegia 07:30etik 15:00ak arte da. Zentroak itxi egiten dira larunbat, igande eta jaiegunetan, eta 215 plaza okupazionalei arreta emateko 42 profesional daude.

Zentro okupazionaletako jarduerak bi bloke handitan egiturazten dira: jarduera okupazionalak eta garapen pertsonal eta sozialekoak.

Jarduera okupazionalak objektuak, produktuak edo zerbitzuak lortzera bideratutakoak dira, zereginak pertsona bakoitzaren gaitasun nahiz ezaugarriei egokituz, prestakuntza banaka era inplizitu batean eginez. Esparru okupazional batetik kanpoko ekoizpen-errendimendutik ez da eskatuko, inolaz ere.

Garapen pertsonaleko eta sozialeko jarduerak, soziohezitzaileak izenekoak ere, garapen pertsonalari ekarpen bat ematen diotenak dira erabiltzailearen autonomia sustatzeko, eta haren bizi-kalitatea eta bizikidetza hobetzeko.