Lanik gabe dauden pertsonek datorren astelehenetik, martxoaren 7tik aurrera izena eman ahalko dute Nafar Lansareak urteko lehen seihilekoan eskaintzen dituen prestakuntzako 73 ikastaroetako batean (1.100 plaza baino gehiago).

Izena Nafar Lansarearen enplegu-agentzietan aurrez aurre egin daiteke, www.empleo.navarra.es atariaren bidez, eta parte hartu nahi den prestakuntzako ekintza emango den ikastegian.

1,5 milioi euro baino gehiagoko aurrekontua duten ikastaro gehienak Iruñean eta Iruñerrian egingo dira, nahiz eta haietako zenbait Altsasu, Elizondo, Lizarra eta Tutera inguruan emango diren. Honako hauei lotuta daude: merkataritzari eta biltegia, fabrikazio mekanikoa, ostalaritza, merkataritzako jardueretarako ingelesa profesionala, zerbitzu soziokulturalak eta komunitaterako zerbitzuak, eta sistema somotiko/inmotikoak, beste espezialitate batzuen artean.

Prestakuntzako ekintza horietatik, 62 Nafar Lansarearen entitate laguntzaileek emango dituzte, eta gainerako 11k, Hezkuntza Departamentuko ikastegietan. Informazio zehatza www.navarra.es eta www.formaccion.info webguneetan kontsulta daiteke, Nafar Lansarearen prestakuntzako eskaintza guztia hartzen duena. Ikastaro horietako batek ere ez du plazarik gordetzen Gazteen Berme Sisteman izena emandako pertsonentzat.