Castellano | Euskara | Français | English
Herritarren Arreta
Telefonoa: 948 012012
012*
Ordutegia: astelehenetik ostiralera, 8:00ak eta 19:00ak artean.
Helbide elektronikoa: navarra@navarra.es
* Deiaren balioa: 0,34 euro, iraupena edozein dela ere.
Ikusi egun honetako albiste gehiago
Hezkuntzak ikastetxeko hezkuntza-komunitatearen eskaerei erantzun die, horrenbestez
Sarrigurengo ikastetxeko kanpoaldearen ikuspegia (Eguesibar).
Hezkuntza Departamentuak Sarrigurengo ikastetxe publikoko zuzendaritzari eta Eguesibarreko Udalari 2016-17 ikasturtean zentroa bi ikastetxetan banatzeko erabakia helarazi die: lehena A eta G ereduetarako (gaztelaniazko hezkuntza), eta bigarrena, D eredurako (euskaraz), biek ala biek ingelesa ikasteko programekin.
Bi ikastetxeek era koordinatuan lan egingo dute udalerri horretako eskola-komunitateari arreta egokia emateko, eta espazio nahiz instalazio komunak partekatuko dituzte, Sarrigurenerako berariaz prestatuko den Bizikidetza eta Lankidetza Plan batean oinarrituz.
Aurrematrikula-epean jasotako datuen arabera, berriki amaitu dena, gaztelaniako ereduetarako ikastetxeak 541 ikasle izango ditu (haietatik 73, berriak) eta euskara-eredukoak, 760 (106 berriak).
Nafarroako Gobernuak Sarrigurengo HIko eskola-komunitateko eragileek (guraso-elkarteko zuzendaritza-batzordea, A eta G ereduetako "Edusarri" guraso-elkarteak eta D ereduko "Denok Bat, Denok D") egindako eskaerei erantzun die, eta Eguesibarreko Udalaren nahiz "Sarriguren Hazi eta Hezi" auzo-plataformaren babesa jaso dute. Hezkuntzaren aburuz, erabaki hori "eskola-komunitatearen proposamenarekin bat dator, pedagogia-ikuspegi batetik".
Sarrigurengoa, hizkuntz ereduei jarraiki Nafarroan bitan banatzen den zortzigarren ikastetxea da. Aurrez, honako hauek gauza bera egin zuten:
- Berriozar: 2011n "Mendialdea I" (A eta G ereduetarako) eta "Mendialdea II" (D) ikastetxeak sortu ziren, "Mendialdea" eskualdeko ikastetxetik abiatuz.
- Burlata: 1995ean sortu zen "Ermitaberri" ikastetxea, D eredurako, "Hilarión Eslava" ikastetxea bitan banatuz.
- Atarrabia: 2003an sortu zen "Atargi" ikastetxea, "Lorenzo Goicoa" bitan banatuz.
- Iruña: 1995ean sortu zen "Biurdana" institutua, "Navarro Villoslada" BHIren banantze modura; 1997an, beste institutu bat sortu zen D eredurako, "Eunate", Txantreako "Moret Irubide Aita" institututik bananduta; eta 2001ean, "Patxi Larrainzar" ikastetxea sortu zen "Ave María" bitan banatuta, Arrotxapea auzoan.
- Zizur Nagusia: 2000. urtean sortu zen "Erreniega" ikastetxea, egungo "Camino de Santiago" ikastetxea bitan banatuta.
Albiste hau osorik izan nahi baduzu PDF artxibo batean sakatu hemen