Castellano | Euskara | Français | English
Herritarren Arreta
Telefonoa: 948 012012
012*
Ordutegia: astelehenetik ostiralera, 8:00ak eta 19:00ak artean.
Helbide elektronikoa: navarra@navarra.es
* Deiaren balioa: 0,34 euro, iraupena edozein dela ere.
Ikusi egun honetako albiste gehiago
Udaltzaingoa duten 21 udalerrietako ordezkariekin bildu da gaur goizean, Tafallan
Beaumont kontseilaria bilerara joandako alkate eta udaltzainburuekin.
(
irudia handitu
)
Lehendakaritzako, Funtzio Publikoko, Barneko eta Justiziako kontseilari Mª Jose Beaumontek Udaltzaingoa duten Nafarroako 21 udalerriei lantalde bat sortzea proposatu die, polizia horiek arautuko dituen etorkizuneko foru legea prestatzeko garaian parte har dezaten.
Hala helarazi die Tafallako kultur etxean bildu den toki-erakunde horietako berrogeita hamar bat ordezkariei. Bilera horretan honako hauek ere parte hartu dute: Barneko zuzendari nagusi Agustin Gastaminza; Foruzaingoaren buru Torcuato Muñoz; Departamentuko idazkari nagusi tekniko Olga Artozqui eta Nafarroako Udalerri eta Kontzejuen Federazioko lehendakari Pablo Azcona.
Udaltzaingoa duten Nafarroako udalerriak dira: Altsasu, Antsoain, Barañain, Baztan, Berriozar, Burlata, Castejon, Cintruenigo, Corella, Lizarra, Milagro, Noain, Iruña, Azkoien, San Adrian, Zangoza, Tafalla, Tutera, Eguesibar, Atarrabia eta Zizur Nagusia.
Gogora ekarri behar da, Udaltzaingoa arautzeko foru-lege baten proiektu baten lanketa indarrean dagoen Nafarroako Polizien Foru Legean jasota dagoela.
Tafallako alkatea bileraren hasieran bertaratutako guztiei ongietorria ematen.
(
irudia handitu
)
Aztertutako beste zenbait gai
Bileran beste gai batzuk ere aztertu dira, esaterako: Udaltzaingoko plantillen egoera, beren beharrak eta polizia horien eta Foruzaingoaren arteko elkarrekiko harreman handiagoko eredu baten aldeko apustua egitea, bai eta "bigarren jarduera" izenekoa arautzea ere; haren bidez, adin handieneko agenteak zerbitzu osagarriak egitera pasako ziren, Suhiltzaileen Zerbitzuarekin gertatzen den moduan.
Gainera, Nafarroako Gobernuko ordezkariek Estatuko Administrazio Orokorrak Polizien Foru Legeari jarritako konstituzio-kontrakotasuneko errekurtsoaren berri eman dute, eta polizien lanpostuen balorazio-azterketa zer egoeratan dagoen ere helarazi dute agenteen ordainsarien araubidea nahiz lanaldiak garatzeko.
Albiste hau osorik izan nahi baduzu PDF artxibo batean sakatu hemen