Elurra kentzeko 27 makina mugiaraziko dituzte Nafarroako Gobernuak eta AP-15 Nafarroako Autobideko sozietate emakidadunak ostegun honetan, Foru Komunitateko bideetan; izan ere, Estatuko Meteorologia Agentziak elurteak izango direla iragarri du.

Erdialdean 4 zentimetrorainoko elur-geruzak espero dira, ipar-ekialdean bereziki, eta 10 zentimetrorainokoak Pirinio aldean; bi kasuetan, 600-700 metrotik gora, eta fenomeno hori izateko % 40-70eko aurreikuspenarekin.

10 makina Agoizko barrutian ariko dira lanean (Ibañeta, Erro, Mezkiritz, Las Coronas, Belaguako mendateak…); 7 Irurtzungo lotunean (A-15, A-1 Aralar iparraldea eta Lizarraga); 4 Mugairin (N-121-A, Belate, Ezkurra, Artesiagako mendateak…); 2 Lizarra inguuan (Urbasa-Ameskoak eta La Población); beste 2 Tafallan (Lerga eta Carrascal); eta 2 AP-15ean.