"Los rostros de la guerra. La dignidad es lo que importa" ("Gerraren aurpegiak. Duintasunak du garrantzia") izeneko hitzaldia giza eskubideetan oinarritzen da, NBEk onartu zituenetik 60. urteurrena ospatzen dela eta. Iruñeko Planetarioan egingo da, 19:30ean, eta sarrera doan, edukiera bete arte.

Gervasio Sanchez (Kordoba, 1959) gatazka armatuetan espezialista den argazkilari eta kazetaria da, Heraldo de Aragon egunkariari lotuta dago, eta bertan argitaratzen du "Los desastres de la gerra" ("Gerrak eragindako hondamendiak") bloga. Beste hedabide batzuetarako ere lan egin du, esaterako: La Vanguardia, Cadena Ser, BBC eta Tiempo aldizkaria. Jasotako sarien artean, Argazkilaritzaren Sari Nazionala nabarmendu behar da, Jaime Brunet Nazioarteko Saria (NUPeko Brunet fundazioak emana), Ortega y Gasset, Kazetaritza Espainiako Erregea edo Julio Anguita Parrado. Hamabi bat argazki-libururen egilea da.

Bake, Bizikidetza eta Giza Eskubideen aldeko jardunaldiak Nafarroako Gobernuaren borondate eta interesetik sortu dira, hau da, gizakien duintasunaren errespetuari eta bakearen kultura baten beharrari buruzko gogoeta bat sustatzea; horretarako, lehenengo edizio honetan, artearen indar adierazkorra erabiliko da artearen askotariko adierazpenetan: argazkilaritza, literatura edo antzerkia, besteak beste.

Ostegun honetatik, hilak 7, apirilaren 20ra arte, asteazkena, egingo dira Iruñeko Planetarioan. Hala, Gervasio Sanchezen hitzaldiaz gain, asteazkenean, hilak 13, Bernardo Atxagak idazleak gure gizarteko bizikidetzaren gaineko bere ikuspegia emango du, iraganari nahiz orainari begiratuz; larunbatean, hilak 16, Proyecto 43-2 taldeak "La mirada del otro" ("Bestearen begirada") ekimen artistiko eta pedagogikoa aurkeztuko du indarkeriak eragindako minari buruz; azkenik, Baketik eraldaketa pertsonalerako fundazioak asteazkenean, hilak 20, antzerki forumeko saio bat eskainiko du: "¿Y tú qué? / Eta hik zer?", kultura eta hezkuntzaren balioak sustatzeko asmoz gatazkak konpontzeko ardatz estrategiko modura.

Jarduera guztiak 19:30ean izango dira eta doan, edukiera betetzen den arte.