ETEei ematen zaien babes publikoa hainbat urtetarakoa izatera pasako da (2016ko urtarrilaren 1etik 2017ko abenduaren 31ra) enpresen nazioartekotze-prozesuetara hobeto egokitzeko, horiek, gutxienez, bi ekitaldiko indarraldia edukitzen baitute.

Bi deialdiak eraenduko dituzten oinarriak, zeinak, Europar Batasuneko EGEF funtsarekin finantzatuta dauden (% 50ean), asteazken honetako Nafarroako Aldizkari Ofizialean argitaratu dira. Nafarroako ETEen nazioartekotzerako Nafarroako Gobernuak ematen dituen diru-laguntzen lau lerroetatik bi lerroei dagozkienak dira. Kanpo-merkataritzan langileria teknikoa kontratatzeko deialdia, jada, ebatzita dago eta kanpo-sustapenarena ere, segurenik, maiatzean argitaratuko da.

Taldekako nazioartekotzeko laguntzen deialdia, guztira, 200.000 euroz horniturik egongo da eta sektore bereko edo desberdineko hainbat enpresa, taldean, lankidetzan, nazioartekotzen saiatzeak eraginiko gastuak diruz lagunduko ditu. Kanpoko merkaturako sarrera komertziala elkarrekin egin ahal izatea erraztu nahi da, hobekuntzak ezartzea baterako negozio-prozesuan orokorrean lehiakortasuna irabazteko, edo enpresa-talde baten beste edozein jarduera, beren nazioartekotzearen alde egingo duena eta haien banakako jarduera batean baino emaitza hobeak lortuko dituena.

Nazioartekotzeko zerbitzu espezializatuen kontrataziorako deialdiari dagokionez, Gobernuak 150.000 euro bideratuko ditu bide horretatik enpresak jada lehendik ere saltzen duen merkatuan esportazioak sustatzeko edota kanpoan ezartzeko. Produkzio-ezarpenari edo merkataritza-ezarpenari atxikirik dauden hainbat gastu ere kontuan hartuko dira.

Proiektu denboraldia zabaltzeaz gain, diruz lagun daitezkeen gastu-kontzeptu gehiago sartzen dira (bidaiak, xede herrialdean sozietate bat eratzeak eragindako gastuak, ezarpenerako alokairu-gastuak 12 hilabetez). Laguntza gastuen %60ra iris daiteke eta zenbatekoaren muga gehitu egingo da, aurreko deialdiko 12.000 eurotik 20.000 eurora.