Nafarroak 18,4 milioi euro lortu ditu Ministerioaren Enplegu Politiken Urteko Planaren funts-banaketan, iaz baino % 21 gehiago; orduan, Foru Komunitateak 15,1 milioi euro kudeatu zuen.

Enplegu eta Gizarte Segurantzako Ministerioak funts horiek banatzeko jarraitutako irizpide nagusia (aurten 1.800 milioi eurokoa da), 2015ean baino % 16 gehiago, eskualde bakoitzak aurreko urtean garatutako enplegu-politiken ebaluazioa da.

Enplegu Politiken Urteko Plana izan da Madrilen gaur, astelehena, Enpleguaren Sektoreko Konferentziaren bileran jorratutako gaietako bat; bertan, Eskubide Sozialetako lehendakariorde Migel Laparrak eta Nafar Lansareko zuzendari kudeatzaile Paz Fernandezek parte hartu dute.

Zehazki, Nafarroak jarritako helburuen betetze-mailak funtsetan 559.152 euro gehiago izatea ekarri du, gainerako eskualdeen batez bestekotik gora geratu baita. Foru Komunitateak zazpigarren postua eskuratu du, lehen kalkuluen arabera, 0,004 puntuko aldearekin bosgarrenarekiko eta 0,002 puntuko aldearekin seigarrenarekiko. Iaz, Nafarroa hirugarren postuan izan zen.

Bileratik atera ondoren, Eskubide Sozialetako lehendakariorde Miguel Laparrak balorazio positiboa egin du "enpleguaren politika aktiboetarako baliabide gehiago lortu izanagatik", nahiz eta ez den gustura geratu "handiagoa izan baitzitekeelako ebaluazioan postu-galera erlatibo bat izan ez balitz", batez ere "iazko aurrekontua osatzeko funtsen murrizketagatik eta kudeaketako beste gai batzuengatik", aitortu du Laparra lehendakariordeak.

Laparra lehendakariordeak Enpleguaren Sektoreko Konferentzia baliatu du ere Gobernu Zentralari ondorengoa eskatzeko: enplegua aktibatzeko programa (haren bidez langabeak hilean 426 euro jasotzen du) gizarteratzeko errentarekin bateragarri egin dezan, beste prestazio edo diru-sarrera batzuekin gertatzen den moduan; horrenbestez, Foru Komunitateko langabeak ez dira kaltetuta aterako beste eskualde batzuetakoekin alderatuz, eta foru-kutxek ez dute gastu hori ordainduko; izan ere, onuradunek laguntza horiei uko egiten die gizarteratzeko errenta eskuratu ahal izateko, handiagoa dena.

Enpleguaren politika aktiboetarako funtsen % 70 ondorengo adierazleak kontuan hartuz banatzen da, esaterako: gazteen enplegagarritasuna hobetzea, enplegurako lanbide heziketako kalitatea hobetzea edo ekintzailetza sustatzea, enpleguaren zerbitzu publikoek eskainitako zerbitzua, zailtasunak dituzten kolektiboen kontratazioa sustatzea eta enpresa-ekimenak babestea. Gainerako % 30 irizpide kontinuistak aintzat hartuz banatzen da, autonomia erkidego bakoitzak aurreko urteko aurrekontu orokorrean duen partaidetza-portzentajearen arabera, eta egoera horrek Nafarroak portzentajeari dagokionez funts gehiago izatea ekarri du.

Ministerioak 2013an funtsak banatzeko sistema aldatu zuenetik, aipatutako irizpide kontinuisten kaltetan egindako enplegu politiken ebaluazioa suspertuz, Nafarroak jasotako diru-portzentajea urtero hobetu egin du autonomia erkidegoen artean banatutako aurrekontu guztiari dagokionez. Hala, 2013an Estatuko aurrekontuaren % 1,01 lortu zen; 2014an, % 1,03; 2015ean, % 1,07, eta 2016an, % 1,10, orain arte jasotako gehiena.