-Erizaintzako 147 (141 orotarikoa eta 6 Osasun Mentalekoa)

- Lehen Mailako Arretako 25 mediku (Lehen Mailako Arretako Ekipoak, Larrialdietako Zerbitzu Bereziak eta Larrialdietako Ohiko Zerbitzuak)

-23 pediatra (Lehen Mailako Arreta eta Espezializatua)

- Beste espezialitate batzuetako 85 mediku

- Psikologia klinikoko 3

-16 fisioterapeuta

- Gizarte Laneko 7

- 6 emagin

-1 dietista

Kopuru guztitik, 291 gaztelaniaz dira eta 22 euskaraz (zonalde euskalduna). Euskararen aurretiazko ezagutza eskatuko den lanpostu batzuetan hizkuntza eskakizuna izan beharko da.

Nafarroako Justizia Auzitegi Nagusiak berriki emandako epaien ondoren (haien arabera iragan legealdian egindako 3 Zerbitzubururen izendapena baliogabetzen ziren), Nafarroako Osasun Zerbitzua-Osasunbideak (NOZ-O) sindikatuei proposamen bat aurkeztu die zerbitzuko edo asistentzia ataleko buruzagitzak hornitzeko barne-prozedura arautze aldera, lehiaketa-oposizio bidez deialdi publikoa egiten den bitartean, hala badagokio.

Proposamenak finkatzen duenez, buruzagitza horien hornikuntza merezimendu-lehiaketarekin bidez egingo da deialdi publikoa eginez, eta bertan NOZ-On lanpostua duten fakultatiboek parte hartu ahalko dute dagokien espezialitatean. Horretarako, ondorengo merezimenduei buruzko dokumentazioa erantsi beharko dute: azalpen-memoria edo bete nahi den Zerbitzu edo Ataleko kudeaketa-proiektua, bai eta planteatzen diren helburuak ere; lanbide-esperientzia (betetako zerbitzuak); eta kudeaketan izandako prestakuntza.

Deialdia hutsik geratzen bada, bete beharreko lanpostua dagoen zentroko zuzendari-kudeatzaileak egokitzat jotzen duen profesionalaren bitarteko izendapena proposatuko du.

Epaimahai kalifikatzailea honako hauek osatuko dute: buruzagitza deitzen den zentroko zuzendari-kudeatzailea, zuzendari edo zuzendariorde mediko bat, espezialitateko zerbitzuburu edo atalburu bat, profesionalen zerbitzuko zuzendaria edo burua, eta Sektoreko Mahaian dauden sindikatuetako ordezkari bat, deitutako lanbide-kategoriakoa.

Gainera, gehiegizko lanaldiak hemendik aurrera arautuko dituen instrukzioaren berri eman da, eta lanaldi horiek kontratazioekin ordezkatuko dira. Aipatu behar da 2015ean kontzeptu horretan milioi bat euro ordaindu zela. Hala, kontzeptu horretan ordaintzea aparteko izaera izango duela ezartzen da, zerrendetan kontratatzeko profesionalak ez daduden kasuetara mugatuta, lanaldia luzatzea zerbitzuak dituen beharrengatik sortutakoak (ebakuntzengatik, adibidez), eta aurreikusi gabeko aparteko egoeretan; aurretiazko baimena derrigorrezkoa izango da.

Osasunbideko zerrendetan inskribatutako langileen kontratazioa lehentasunezkoa izango da lanaldia zabaltzearen eta haien ordainsariaren gainean"gehiegizko lanaldien" kontzeptu bidez, baldin eta zerrenda horietan hautagaiak badaude.

Bileran jorratutako beste gai bat NOZ-Ok egindako proposamenari buruzkoa da, bertako langileen barneko sustapena arautzeko asmoz maila edo kategoria handiagoko lanpostuak (hutsik daudenak) betetze aldera, baldin eta dagokion titulazioa badute. Gai hori aztertzen den lehen aldia da, eta dokumentua (sindikatuekin azken bi hilabeteetan lantzen aritu dira) bertaratutakoei entregatu zaie aztertu eta balora dezaten.

Azkenik, sindikatuetako ordezkariei jakinarazi zaie NOZ-Ok aurtengo lehen seihilekoan 1,9 milioi euro bideratzeko asmoa duela lanbide-karrerari lotuta dauden atzerapenak ordaintzeko.