Luzapenak jadanik aurkeztutako eskaera bakarren aldaketa-epea ere jasotzen du, eta honako hauei aplikatzen zaie: oinarrizko ordainketa-eskubideen lagapenen aurkezpenei, Erreserba Nazionalari ordaintzeko oinarrizko eskubidearen eskaerei eta produktuak prozesatzen dituzten industriarekin egindako kontratuak aurkezteko epeari, tomateari lotutako laguntza eskatu zutenen kasuan. Halaber, ekainaren 15era arte luzatuko da partzelak NPB laguntzen eskatzailearen esku uzteko epea.

Eskaeraren aurkezpena telematikoki egingo da, erakunde laguntzaileen edo eskatzailearen beraren eskutik, bere ziurtagiri digitala erabiliz zuzenean, Nafarroako Gobernuko webgunean dagoen SGA aplikazioaren bitartez. Erakunde laguntzaileek, aurrez, lankidetza-hitzarmen bat izenpetu beharko dute Landa Garapeneko, Ingurumeneko eta Toki Administrazioko Departamentuarekin.

Titulartasun-aldaketen izapideak nekazaritza-ganberetan egingo dira, eta oinarrizko ordainketako eskubideen eskaerak Erreserba Nazionalean, Departamentuan bertan, Errentei Laguntzeko atalean.

Hasiera batean, epea apirilaren 30ean amaitzen zen. Nafarroan, orain arte, espero diren 15.000 eskaeratatik, 13.500 aurkeztu dira.