Nafarroako Gobernuak asteazken honetako bileran foru-legearen proiektu bat onartu du gehienez 1.378.683 euroko aparteko kreditu bat kontsignatzeko, Tuterako `Camino del Rape´ izenekoaren egokitzapena finantzatzeko beharrei aurre egiteko asmoz; haren bitartez, Huertas Mayoresen zonaldeak Tarazonako errepidearekin bat egingo du.

Institutuko bide zaharraren eta A-68 autobiaren arteko lotunea ixteak eragindako egoeraren aparteko izaera ikusirik, bide segurtasuneko arrazoiengatik dekretatua, Toki Administrazioko Zuzendaritza Nagusiak foru-legearen proiektu hori sustatu du eta, hari esker, Tuterako Udalak inbertsioaren kostuaren % 85 finantzatu ahalko du 2016ko Toki Inbertsioen Planaren kargura. Gainerakoa (% 15) Erriberako hiriburuko udalaren kargu geratuko da, obrak egikaritzeko erakunde eskuduna dena.

Parlamentuak gaur igorriko zaion foru-legearen proiektua onartzen duenean, Nafarroako Gobernuak eta Tuterako Udalak hitzarmen bat izenpetuko dute, eta bertan diru-laguntza jasotzeko baldintzak finkatuko dira. Haien artean, Tuterako Udalaren uko-egitea agertuko da, obrak Toki Inbertsioen Planean zenbateko berean jasotzeari buruzkoa.

Horrenbestez, foru-legearen proiektuari esker, udalak bere lehentasunak berrantolatu eta sortutako beharrei erantzun ahalko die Tuterako institututik A-68 autobiara sartzeko bidea berriki itxi ondoren, Herri Lanen Zuzendaritza Nagusiak egindakoa bide-segurtasuneko arrazoiengatik.

Nafarroako Herri Lan Zuzendaritza Nagusiak Tuterako institututik A-68 autobian sartzeko bidea berriki itxi egin du bide-segurtasuneko arrazoiengatik (ahalmen handiko bideetara sartzeari buruzko araudia ez betetzea). Horrenbestez, A-68ko balizko puntu arriskutsuetako bat desagerrarazi da, Tuteratik pasatzean.

Tuterako Udalak eskatutako irtenbidea eta Herri Lan Zuzendaritza Nagusiak onartutakoa, honako honetan datza: Camino del Rape izenekoa egokitzea bide-erabilera izan dezan; hala, Huertas Mayoresen zonaldeak Tarazonako errepidearekin bat egingo du.

Proposamen honekin, eskolako ibilgailuen zirkulazioaren pilatzea saihestuko da hirigunean, eta A-68 autobian bizkor sartuko dira Huertas Mayores hiribideak Tarazonako errepidearekin bat egingo duen lotunearen bidez.