Toki-erakundeek ematen duten etxez etxeko arreta zerbitzua bihartik aurrera mendekotasuna duten pertsonentzako eguneko zentro batean laguntza ematearekin bateragarria izango da, mendekotasun arin, handi edo larriak izanda ere.

Eskubide Sozialetako Departamentuak 2013an hartutako erabakia aldatu du horrenbestez; haren bitartez, laguntza horien bateragarritasuna eragozten zen. Neurri honekin, mendeko pertsonak beren etxeetan egon daitezen bilatzen da eta, aldi berean, haren senideei eta zaintzaileei babes handiagoa ematea. Neurriak 90 bat pertsonari onura egingo die, eta Nafarroako Gobernuak 265.000 euroko inbertsioa egingo du urtean.

Bestalde, Eskubide Sozialetako lehendakariorde Miguel Laparrak emandako foru-aginduak (Nafarroako Aldizkari ofizialean gaur, osteguna, argitaratu da) honako hau jasotzen du ere:laguntzaile pertsonalerako laguntza ekonomikoa egoitza-arretako zerbitzuarekin aldi berean bateragarria izatea.

Horrenbestez, ordaindutako lana, goi mailako ikasketak edo bizitza independenteko programa bat egiten duten pertsona desgaituek egoitza batean bizi ahalko dute eta laguntzaile pertsonal bat izan handik kanpo bizitza autonomoa izateko.

Zer-nolako ezaugarriak dituen ikusirik, neurri berri honek 5 pertsonari egingo diela onura kalkulatzen da, eta Nafarroako Gobernuak 84.00 euro inbertituko duela. Nolanahi ere, "pertsona onuradunei dagokienez eragina txikia izan arren, irisgarritasun nahiz gizarteratzeko terminoetan oso garrantzitsua da", adierazi du Pertsonen Autonomiarako eta Garapenerako Nafarroako Agentziako zuzendari kudeatzaile Ines Francesek.