Nafarroaren helburua "Nafarroaren ikuspegi estrategiko partekatu bat finkatzea da, honako hauetan oinarrituta: bideragarritasun eta lehiakortasun ekonomikoa, kohesio soziala eta lurralde mailakoa, eta gure ingurumenaren zaintza orekatua". Horretarako, Nafarroako Espezializazio Adimentsuaren estrategia eguneratzen, ezartzen ari da, " eta prozesu horretan, balio erantsi handiko jarduerak identifikatzen dira, lurraldearen lehiakortasuna areagotzeko aukera onenak eskaintzen ditu eta baliabide publiko nahiz pribatuak funtsezko lehentasun ekonomikoetan pilatzen dira zenbait arlotan eta enpresa-sektoretan sakabanatu beharrean".

Berrikuntza eta sorkuntzaren aldeko apustua da Nafarroako Lehendakariak nabarmendutako beste puntu bat; hala, gobernuak berrikuntzaren kultura bat garatu nahi du maila guztietan nahiz sektore guztietan zenbait balio sustatzeko: sorkuntza, kuriositatea edo espiritu ekintzailea, adibidez.

Lurralde-kohesioa da ezinbesteko alderdi bat; izan ere, aipatu duenez, "politika estrategikoak diseinatzeko orduan ezinbestekotzat jotzen dugu Nafarroako zonalde bakoitzaren berezitasunak eta egoera ezagutzea".

Gobernua plan estrategiko bat lantzen ari da, eta hark erakunde nafarrek Europar Batasunaren aurrean izan beharreko jokabidea koordinatuko du, hiru helbururekin: Foru Komunitatearen presentzia instituzionala Europako erakundeetan indartzea, sustapen-estrategia hobetzea kanpoaldean eta funts gehiago lortzea –hirukoizteko asmoz– enpresa eta teknologia-zentroetarako. Lehendakaria itsas plataforma multimodala (portu lehor modura gehiago ezagutzen dena) Erriberarako eta Nafarroa guztirako izango den paregabea den aipatu du.

Inguruko autonomia erkidegoekin izandako elkarrizketa eta lankidetzarako harreman estua ere aipatu du Barkos Lehendakariak. "Lankidetza eta sinergiak inguruan ditugun guztiekin, baina gure berezitasunari uko egin gabe, gure autogobernuari, esan du Lehendakariak; Itun Ekonomikoaz aritu da, eta aipatu du "Europako testuinguruan guztiz sartzen den tresna bat dela, eta elkartasunerako anbizio handiko ariketa dela, baina baita erantzukizunerako ere". Alde horretatik, ziurtatu du Itun Ekonomikoa ez dela pribilejio bat, etengabe eraikitzen ari den elkartasun nahiz erantzukizuneko tresna bat baizik. Gure estatusaren bizkarrezurra Estatuarekiko harremanean", eta esan du Nafarroak "Ituna negoziatzeko premia duela; izan ere, 2010-2014 epearen eguneratze automatikoa oso larria gertatzen ari da foruko diru-kutxetarako".

Azkenik, Barkos Lehendakariak erronkei elkarrizketaren bidez heltzeko, bazterkeriarik gabe, asmoa agertu du, "eskua luzatuz eta edonori entzuteko prest, alor ekonomiko, sozial eta politikoan izan daitezkeen aldeak baztertuz, eta Nafarroak XXI. mendean dituen erronkei era eraikitzailean eta proposamenak eginez lagundu nahi duen edonori entzuteko, hain zuzen".