Garapen Ekonomikorako Departamentuak datorren asteartean, maiatzak 31,I+G enpresa, teknologia-zentro eta ikerketa-erakundeetan sustatzeko laguntzak argitaratzea aurreikusi du; 20 milioi euro, guztira.

Enpresak buru diren I+Gerako deialdian, 2015arekiko alde nagusia I+G proiektuen iraupena gehienez bi urtera zabaltzen dela da. Horrenbestez, babes publikoak inplikatutako eragileen egikaritze nahiz finantzaketako beharrei hobeto erantzungo die. Arrazoi hori dela eta, gastu-konpromisoa urte anitzekoa izango da: 12 milioi 2016-2018 epean, EGEF Europako funtsak % 50ean kofinantzatuta.

Bi deialdien bidez ere sustatuko da enpresen eta ezagutza edo teknologiako zentroen arteko lankidetza, ezagutzaren transferentzia errazteko eta hura enpresa-helburuekin lerrokatzeko.

Gainera, berdintasun-neurriek puntuatuko dute (emakumeen presentzia ikerketa-taldeetan), Gobernuaren akordioen arabera eta I+G arloan izandako genero-tartea ikusirik. Zenbait azterketek diote sektore pribatuan emakumeak lan-indarraren % 30 baino ez direla.

Funts pribatuen mugikortasuna suspertzeko tresna modura eta finantzaketa-esparru egonkor bat izateko (estrategiak planifikatzeko aukera eta finantzaketa publikoari egokitzeko aukera), laguntzak beste erakunde publiko-pribatu batzuek emandakoekin bateragarriak izango dira (CDTI, adibidez).

Gainera, I+Gko proiektuen esparruan lortutako emaitzen zabalkundeari garrantzi handia emango zaio, Nafarroako gizarteak ere diru-laguntzen amaiera hauteman dezan.

Enpresako I+Gko laguntzei dagokienez, ETE izatea era positiboan kontuan hartuko da (laguntza handiagoko intentsitatea eta puntuazioa lankidetzako proiektuetan parte hartzeagatik); hala, enpleguari nahiz garapen ekonomikoari egindako ekarpena aitortuko da eta ikusita ekimen berritzaileak abian jartzeko zer zailtasun dauden. Ayerdi lehendakariordeak azpimarratu du enpresa horiek erabakitzeko gunea Nafarroan dutela.

"Globalizazioaren testuinguruan, berrikuntza da eskualdearen lehiakortasunerako giltzarria, eta baita kalitatezko enplegua ere aurrera egiteko eta bizi-kalitatea hobetzeko. Guztiok dugun erronka: Nafarroako berrikuntza hobetzea, " adierazi du Ayerdi lehendakariordeak CEINen egindako jardunaldi baten irekiera-ekitaldian; Departamentuak antolatu du ekitaldi hori enpresa eta ikerketako 150 eragile baino gehiagoren aurrean, alor horretarako Gobernuak prestatutako zortzi laguntzak aurkezte aldera; xede horretarako, 36 milioi eurotik gora banatuko du.

Bi deialdietan (enpresak eta erakundeak) sektore estrategikoetako ekimen berritzaileen kokapena baloratzen jarraitzen da, beste edozein ekimen berritzaile kaltetu gabe: energia berriztagarriak (energia gordetzea ere eta zero emisioko ibilgailuak), nekazaritzako elikagaiak, biomedikuntza (baita medikuntza aurreratua eta ekipamendua ere), fabrikazio aurreratua (robotika, gauzen Interneta, sentsorizazioa...) eta IKTak (zeharkakoa).

Enpresako I+G babesteko deialdiaren oinarri arautzaileen barnean babes-modalitate berri bat sartuko da, ezagutzaren transferentzia, unibertsitateek parte hartzen duten proiektuetarako; izan ere, Espainiako enpresa berritzaileen % 9,5 soilik aritu ziren erakunde horiekin elkarlanean berrikuntza arloan, 2011-2013 epean (ETEak apenas). Lankidetza-proiektuek % 15eko laguntza gehigarria jasoko dute bakarkako enpresa batek egindakoekin alderatuz.

Ikerketa-erakundeek sustatutako I+Grako deialdian (8 milioi eurokoa), babesteko bi modalitate berri sartu dira: ikerketako bi zentro edo erakunde gehiagoren arteko lankidetza-proiektuak eta "proiektu traktoreak", eta bertan enpresa-erakunde "traktoreak" ere sartzen dira, ondorengo helburuarekin: ikerketa hori industria-ahalmen handiko lerroetara bideratzeko eta merkatura iristeko, eta ezagutzaren transferentzia errazteko.