Irailaren 6ra arte epea zabalik izango da txikizkako merkataritza-enpresek ekipamenduak nahiz azpiegiturak hobetzeko inbertsioak egiteko laguntzak eska ditzaten. 670.000 eurorekin, diru-laguntzek merkatuko eskaerei etengabe egokitzeko prozesuak babesten dituzte eta, horrenbestez, sektoreko lehiakortasuna eta enplegua.

Deialdia iragan astelehenean, ekainak 6, Nafarroako Aldizkari Ofizialean argitaratu zen, eta www.navarra.es atariko fitxaren bidez izapidetu daiteke. Zehazki, laguntzak txikizkako merkataritzan aritzen diren mikroenpresa, enpresa txiki eta ertainetarako dira. Bi urte edo gehiagoko antzinatasuna eskatzen da merkataritza-establezimenduak modernizatzeko eta berritzeko proiektuetan inbertitzeko laguntzak eskuratzeko (620.000 euro); eta urtebete gutxienez berariazko proiektuetan inbertitzeko (50.000 euro).

Merkataritzako establezimendu bakoitzari eskatu daitekeen gutxieneko inbertsioa (BEZa kanpo) enpresaren tamainaren araberakoa da: mikroenpresak, 15.000; txikiak, 40.000; eta ertainak, 150.000.

Berrikuntza modura, baremazio-irizpideei erantsi zaie, establezimendua Kontsumoko Arbitraje Batzordearen barnean eta merkatarien elkarte baten barnean izatea, bai eta ondorengo kalitate-sistema ezarrita izatea ere: UNE 175001 Araua.