Horrenbestez, ziurtatu duenez, enplegu gehiago sortuko da, eta mendekotasuna duten pertsonek jasotako arretaren profesionaltasuna hobetuko da. Alde horretatik, zerbitzu profesionalen eskaera horri erantzungo dieten ekimen sozialeko enpresak eta kooperatibak sustatzeko nahia agertu du, laneratzeko zailtasun bereziak dituzten pertsonei lana emango dietenak edo gizarte-bazterkeria egoeran daudenei.

Laparra lehendakariordeak azaldutako etorkizuneko beste erronketako batzuk dira: langile horien lan-baldintzak hobetzea Gizarte Segurantzako araubide orokorrean kotizatuko duten lanpostuak sortuz, eta langabezia-prestazioa jasotzeko eskubide izan dezatela; Etxez etxeko Arreta Zerbitzua malgutzea eta eraginkorragoa eta efizienteagoa izatea erabiltzaileen benetako beharrak betez; eta mendekotasunerako arreta-zerbitzuen finantzaketa egonkorreko nahiz iraunkorreko sistema bat bermatzea, errentaren araberako tarifa publikoekin eta, aldi berean, Estatuak finantzaketa handituko da; izan ere, Laparra lehendakariordeak esan duenez, gaur egun finantzaketa horrek gaur egun legeak ezarritako gutxienekoak baino ez ditu estaltzen, Nafarroarako "benetako kostutik oso urrun" geratuz.

Hil honen hasieran, Nafarroak aitortutako 13.615 mendeko pertsona zituen. Haietatik, 5.130 pertsonek mendekotasun moderatua dute; 5.211k, larria eta 3.274k, mendekotasun handia.

Pertsona horien % 76k prestazio bat dute. Gehienek (6.319 pertsona), familia inguruko zainketarako laguntza ekonomikoa dute. Beste 3.661 pertsona adinekoen edo desgaitasuna duten pertsonen arretan espezializatutako zentroetan bizi dira, eta 406ri eguneko zentroetan ematen zaie arreta.

Gainera, 4.298 pertsonak baliatu zuten iaz Etxe etxeko Arreta Zerbitzua, nahiz eta zifra horren barnean ere aitortutako mendekotasunik ez duten adineko pertsonak sartu.