Kontratazioa

Kontratazioari dagokionez, 2016ko ekainean 31.796 kontratu erregistratu dira Nafar Lansarean (lantokia Foru Komunitatean dutenak), hau da, aurreko hilean baino 1.163 gehiago, eta % 3,8ko igoera (hilean). Urteko datuei erreparatuz, kontratu-kopurua % 2 jaitsi da 2015eko ekainarekin alderatuz, hots, 637 kontratu gutxiago, nahiz eta azpimarratu behar den jaitsiera hori aldi baterako kontratuetan gertatu dela, prekarietate-handiago bati lotutako kontratuak izan ohi direnak sarritan.

Tipologiari begiratuz, kontratu mugagabeak % 7,1 hazi dira 2016ko maiatzaren aldean (109 kontratu gehiago). Halaber, aipatu behar da mugagabeetan urte arteko aldaketa % 13,6 izan dela (198 kontratu gehiago) 2015eko ekainarekin alderatuz. Kontratu mugagabeen garrantzia % 5,2 da orain, duela urtebetekoa baino zerbait handiagoa; orduan, kontratazio mugagabearen garrantzia % 4,5 zen.

Enplegu-agentzien arabera, langabeziak behera egin zuen guztietan: Agoitz (-% 9,8), Altsasu (-% 9,3), Lizarra (-% 5,5), Tafalla (-% 5,2), Zabalgunea (-% 4,2), Yamaguchi (-% 3,9%, Doneztebe (-% 2,9), Arrotxapea (-% 2,4), Tutera (-% 2,3), eta Lodosa (-% 1,4).

Sexuaren arabera, 22.552 emakume daude lanik gabe (kopuru guztiaren % 56,9), hau da, % 2,3 jaitsi da (539 gutxiago) aurreko hilarekin alderatuz, eta 17.106 gizon (kopuru guztiaren % 43,1), hots, % 5,4 jaitsi da (978 gutxiago). Hileroko aldaketa erlatiboak, 2016eko maiatzetik ekainera, langabezia 3,1 puntu gehiago jaitsi dela dio gizonezkoetan emakumezkoetan baino. Halaber, urteko aldaketa aztertzen bada, langabeziaren banaketa desberdina izan dela ikus daiteke: lanik gabeko gizonen kopurua % 10 jaitsi da; emakumeena, berriz, % 5,6. Nolanahi ere, emakumeen aldeko alderdi positibo bat da jaitsiera hori aurreko urteko hil berekoa baino handiagoa izan dela krisia hasi zenetik.

Adin-taldeen arabera, langabeziak adin-tarte guztietan behera egin du. 25 urtetik beherakoen kasuan, dauden 3.860 langabeak adin-tarte horretako langabezia txikiena da 2008. urtetik hona. Hori gertatu da aurreko hilarekin alderatuz % 9,5eko jaitsiera handia izan delako (407 pertsona gutxiago). Aldi berean, 25 eta 44 urte artekoen artean, 17.649 pertsona daude lanik gabe, % 3,5 jaitsi da 2016ko maiatzaren aldean (630 gutxiago). Bestalde, 45 urte edo gehiagoko 18.149 langabe daude, kopuru guztiaren % 45,8, hau da, % 2,6 gutxiago aurreko hilarekin alderatuz (480 gutxiago).

Sektore ekonomikoei erreparatuz, aipagarria da guztiz langabeziak sektore guztietan behera egin duela. Ehunekoetan, % 22,4 jaitsi da Eraikuntzan (815 gutxiago), eta atzetik datoz Industria (-% 13,9 eta 899 pertsona gutxiago), Zerbitzuak (-% 5,5 eta 1.476 pertsona gutxiago) eta Nekazaritza (-% 3,7 eta 87 pertsona gutxiago). Epe horretan enplegu bat ez zuenarentzat langabeziak gora egin du (24 gehiago), nahiz eta aipatu beharra dagoen azken hilean 91 pertsona gutxiago izan direla. Jaitsiera orokor hau oso positiboa da, iragan hilabeteetan ikusitako joera indartzen baitu, eta jaitsiera Zerbitzuen sektorera bakarrik ez da mugatzen.

Azpisektore ekonomikoen arabera, Enpleguari lotutako Jardueretan langabeziak izandako jaitsiera nabarmendu behar da, 225 pertsona gutxiago: txikizkako Merkataritzak, 196 langabe gutxiago; Administrazio Publikoak, 175 gutxiago, eta Osasun Jarduerek, 149 langabe gutxiago. Horri kontrajarrita, 171 langabe gehiago izan da Hezkuntzan eta 66 gehiago Elikaduraren Industrietan.

Ikasketa-mailaren arabera, unibertsitatean ikasitako pertsonen langabezia kopuru guztiaren % 10,1 da, eta Bigarren Hezkuntzako lehen maila arte ikasitakoena, langabe guztiaren % 70,5. Unibertsitateko ikasketak dituzten eta lanik gabe dauden biztanleei dagokienez, hamarretik zazpi emakumeak dira (% 71,7).