Foruzaingoak uda honetan gomazko piloten ordez hain kaltegarriak ez diren istiluen aurkako beste material batzuk erabiliko ditu; horrenbestez, jaurtigai horiek erabiltzeari utziko dio Gobernua osatzeko Programa Akordioan jasotakoari jarraiki.

Hala eman zuen ezagutzera Lehendakaritzako, Funtzio Publikoko, Barneko eta Justiziako kontseilari Mª Jose Beaumont kontseilariak atzo arratsaldez Bruselan emandako hitzaldian; baliabide horiek arriskutsuak direla azpimarratu du, kontuan hartuz "Espainian, gomazko pilotakaden ondorioz, bederatzi pertsona hil direla diktadura amaitu zenetik, eta beste 30ek begia galdu dutela1990. urteaz geroztik".

Bere agerraldian, Beaumont kontseilariak honen alde egin du ere: administrazio publikoek, polizia-jarduera baten ondorioz lesioak berriz sortzen badira, ikerketa "sakon, eraginkor eta bizkor bat egin dezaten gertaera guztiak argitzeko eta arduraduna identifikatzeko"; horrekin batera, "organo jurisdikzionalekin lankidetzan aritzea ahalik eta ardura handienarekin". "Organo publiko, judizial, administratibo eta polizialen konpromiso hori –aipatu du Beaumontek– erantzukizuna eskatu behar diren unera arte eraman beharko da ere".

Beaumont kontseilariarekin batera izan da Nafarroako Gobernuak Bruselan duen ordezkari Mikel Irujo, eta kontseilariak adierazi duenez ere, beharrezkoa da jarduteko protokoloak eguneratzea, eta agenteak trebatzea istiluen aurkako beste baliabide berriak erabiltzeko, "osotasun fisikoa eta herritarren bizitza arriskuan jar ez daitezen beraien zerbitzura eta babesteko daudenen aldetik".

Europako Parlamentuan izan den hitzaldian (gomazko piloten erabileran oinarritu da), Zientzia eta Teknologiaren Aukeren Ebaluazioari buruzko Europako Parlamentuko Agentziako ordezkariek (STOA) eta OMEGA fundazioko ordezkariek ere parte hartu dute. Gomazko piloten erabileraren aurkako kanpainetan beraien esperientzia kontatu duten talde eta erakunde sozialek ere esku hartu dute, esaterako: Iñigo Cabacas Gogoan Taldea (Euskadi); Stop Boles de Gome (Katalunia); eta Compaign to ban plastic bullets (Irlanda).