2016an, 595.000 euro banatuko dira Asociacion Gayarre Amigos de la Ópera Elkartearen (175.000 euro), Asociacion Ópera de Cámara de Navarra Elkartearen (175.000 euro), Nafarroako Arte Eszenikoen Profesionalen Elkartearen (94.036 euro) eta Iruñeko Ganbera Abesbatzen Taldearen (150.964 euro) artean.

2017an, 505.000 euroko laguntzak banatuko dira Asociacion Gayarre Amigos de la Ópera Elkartearen (116.000 euro), Asociacion Ópera de Cámara de Navarra Elkartearen (116.000 euro), Nafarroako Arte Eszenikoen Profesionalen Elkartearen (53.627,50 euro), Iruñeko Ganbera Abesbatzen Taldearen (116.000 euro), Nafarroako Ganbera Abesbatzaren (113.985 euro) eta Nafarroako Abesbatzen Federazioaren (31.664,05 euro) artean.

Fundación Flamenco On fire Fundazioaren eta Asociación de Cantautores Ojalá Elkartearen eskabideak ez direla onartu azpimarratu behar da, izan ere, ez dute 65 puntuko gutxiengoa lortu, oinarrietako 8.2. puntuan adierazten denaren arabera.

Nafarroako Unibertsitatea Museoak aurkeztutako eskabidea ere baztertu egin da 2.1. oinarria, onuradunak irabazi asmorik gabeko erakunde artistikoak izatea behartzen duena, ez betetzeagatik.

Laguntzak Kulturako Zuzendaritza Nagusiaren eta aipatu erakunde horietako bakoitzaren artean izenpetuko diren lankidetza-hitzarmenen bitartez arautuko dira.

Kultur mezenasgoa eta haren zerga-pizgarriak arautzen dituen Foru Legean xedatutakoaren arabera, deialdi honetan diru-laguntzen objektu diren proiektuak interes sozialeko proiektutzat hartuko dira dohaintzei, erabilera-maileguei edo komodatuei eta lankidetza-hitzarmenei Foru Lege horretan aurreikusitako zerga-pizgarriak eta, baita, Sozietateen gaineko Zergan, babesletza-kontratuetatik eratorritako publizitate-gastuengatiko kenkariei dagokienez, Ebazpen hau izenpetzen denetik izenpetuko diren hitzarmenen indarraldia amaitu bitartean, aurreikusitako pizgarriak aplikatzeko.