Nafarroak loterietan eta apustuetan 312,81 milioi euro jokatu zituen iaz, hau da, 607,40 euro adin nagusiko biztanle bakoitzeko, Barneko Zuzendari Nagusiak egindako jokoaren memorian jasotzen denez.

Zifra horiek aurreko ekitaldikoak baino % 5 handiagoak dira; orduan 298,41 milioi ziren eta 573,92ko batez besteko gastua, eta krisi ekonomikoaren aurretik zenbatutakoetara hurbiltzen dira, 2008an; urte horretan 314,58 milioi jokatu zen, 620,68 euro batez beste adin nagusiko biztanle bakoitzeko.

Iaz jokatutako 312,81 milioitik, 190,83 milioi euro makinei, makina txanponjaleei eta bingoei dagozkie; eta 121.98 milioi Estatuko Loteria eta Apustuei (kiniela, primitiva, euromilioiak…) eta ONCEko zozketei.

Hala, iaz kudeaketa pribatuko jokoetan egindako apustu-kopurua (lehenengoak) hazi egin zen berriz, % 6,16 oraingoan, eta azken bost urteotako gailur handienera iritsi da apustuen bultzadari esker, azken horretako diru-bilketa % 12 igo baitzen 2015ean. Aldiz, kudeaketa publikoko jokoetan arriskuan jarritako kopurua (bigarrenak) apur bat igo egin da (% 2,8), eta egonkortu.

Jokoaren memoriak jokalariek egindako gastu errealaren kalkulua eskaintzen du ere: 96,21 milioi euro izan zen 2015ean, aurreko urtean baino % 3 gehiago. Zifra horren barnean ez da sartzen berriz jokatzen den lortutako sarien zatia eta jokoak nahiz apustuak ustiatzen dituzten enpresen diru-sarrera gordinaren baliokidea da, hau da, zergen aurretiko enpresa-tartea.

Beste urtebetez, makina txanponjaleek segitzen dute izaten diru gehien arriskatzen den ausazko modalitatea, kopuru guztiaren % 39. Haren atzetik datoz, Estatuko Loteria eta Apustua, % 34arekin; apustuak, % 17arekin; ONCEren zozketak, % 5arekin; eta bingoko aretoak, % 5arekin ere.