Garapen Ekonomikorako lehendakariorde Manu Ayerdi Sakanako Enpresarien Elkarteko ordezkaritza batekin bildu da eskualdearen egoera aztertzeko eta etorkizuneko beharrak jorratzeko.

Hornikuntza elektrikoaren (mikromozketak) eta poligonoen (azpiegiturak eta mantentze-lana) egoera eta Etengabeko Lanbide Prestakuntzari lotutako gaiak izan dira Departamentuko egoitzan egindako bileraren ardatz nagusiak.

Elkartearen aldetik, honako hauek agertu dira: Francisco López de Alda, lehendakaria; José Antonio Concha, kudeatzailea; eta Javier Artetxe, aholkularia, eta hirurek kontseilariari eskerrak ema dizkiote Nafarroako Gobernuarekin lankidetzarako eta komunikaziorako bide bat ezarri izanagatik. Lehendakariordeari laguntzen, bertan izan da ere, Politika Ekonomikoko eta Enpresarialaren eta Lanaren zuzendari nagusi Izaskun Goñi.

Bilkuran, bi aldeak bat etorri dira berriki abian jarritako Sakanako Plan Estrategikoa positiboki baloratzeko orduan. Gogoratuko denez, dokumentu horrek hainbat eragile sozioekonomikoetako ahalegin publiko eta pribatuak koordinatzen ditu eskualdeko enpresa-jarduera eta enplegua berreskuratzeko xedearekin. 2016an, Nafarroako Gobernuak neurrien ezarpena babesten du 250.000 euro jarriz eta lankidetzarako beste mekanismo batzuekin.

Lehendakariordeak estrategia horrek eskualderako eta Nafarroa guztirako duen garrantzia azpimarratu du (maila anitzeko gobernantza inklusiboaren eredua, taldekako ekintzailetza sustatzea, enpresen arteko lankidetza-sareak, proiektu pilotuak); izan ere, ekimen hori beste zonalde batzuetan aplika daiteke jarraibide egokien eredu gisa, Estellerrian gertatzen ari den moduan.

Sakanari dagokionez, enpresa-ordezkariek azaldu dutenez, 1999-2013 epean enpresen % 15 desagertu ziren (51 zenbaki absolutuetan), eta 2011 eta 2013 artean, aztertutakoen % 50 baino gehiagok kontabilitateko emaitza negatiboak izan zituzten.

Arrazoi hori dela eta, Gobernuari jadanik ezarrita dauden enpresak babesten eta enpresak erakartzen jarraitzeko beharra helarazi die, Altsasun bereziki. Lehendakariordeak, berriz, onartzeko prozesuan dauden planek zonaldean izango duten eraginean erabateko konfiantza duela esan du: Nafarroaren Espezializazio Adimentsuaren Estrategia, Ekintzailetza, Energia eta Ekintzailetza.