Nafarroako Gobernuak asteazken honetako bileran finkatu du 2017rako gastu-muga ez finantzarioa: 3.485 milioi euro, hau da, 2016rako onartutako gastuarekin alderatuz, 183,4 milioi gehiago. % 5,55eko igoera, beraz.

Zenbatekoa finkatu da datorren urterako diru-bilketaren kalkuluak hobetu egin direla ikusirik, zerga-erreformatik eta Nafarroarako aurreikuspen makroekonomikoetatik sortu direnak.

Zehazki, Zerga Ogasunak 2017an 3.579 milioiko baliabide ez finantzarioak biltzea aurreikusten du (3.438, 2016an), hau da, 141 milioi gehiago.

Nafarroako Parlamentuak onartutako zerga-erreformak eragin positiboa izango du 2017ko PFEZgatik bildutako 65 milioi gehigarrien kontuetan; 16 milioi gehiago Sozietateen gaineko Zergan eta 17 milioi gehiago Ondarearen gaineko Zergagatik.

Gainera, Nafarroako Gobernuak muga finkatzeko BPGren % 0,5eko defizitaren helburua kontuan hartu du, hau da, 97,6 milioi.

Foru Gobernuak akordioaren testua Kontseilu Ekonomiko eta Sozialari eta Toki Araubidearen Batzordeari igorriko die.

Gastu-muga finkatu ondoren, Departamentuek datozen asteotan 2017rako gastu-proposamenak landuko dituzte.

Haiekin, Nafarroako Gobernuak 2017rako Aurrekontuen aurreproiektua onartuko du eta CESi eta Toki Araubidearen Batzordeari bidaliko die txostena egin dezaten; azken hori dokumentua proiektu gisa onartu aurretik eman beharreko pausoa da eta Nafarroako Parlamentura igorri aurretik eman beharrekoa bertan eztabaidatu dadin.