Nafarroako Gobernuko Hezkuntza Departamentuak gaur, irailak 26, ospatzen den Hizkuntzen Europako Eguna babesten du. Europako Batzordeak sustatuta, jardunaldi honen helburua Europako hizkuntz aniztasunaren aberastasunaren gainean kontzientziatzea da, eta hizkuntzen ikasketa Europa guztian sustatzea.

Nafarroako Gobernuko Hezkuntzako kontseilariak gutun baten bidez adierazi duenez, Europako hizkuntz aniztasuna zaindu eta indartu egin behar da, eta horrek hezkuntza-arlotik eleaniztasuna sustatzea dakar; izan ere, "zenbait hizkuntzetako hizkuntz gaitasuna Europako herritartasun demokratikoan parte aktiboa izateko behar gisa jotzen da".

"Nafarroa historikoki hizkuntz askotariko lurraldea izan da, eta etengabe elkarrekin bizitzen eta elkarrekintzan dauden bi hizkuntza edukitzeko zortea dugu", egiaztatu du Mendoza kontseilariak. "Horregatik, Europatik proposatutako helburuak geure egiten ditugu, eta egun hau ospatzeko deia egiten dugu gure Foru Komunitatean eta Europa mailan ospatzen diren ekitaldien bidez".